01.10.2020 - გიორგი გახარია ყარაბაღის კონფლიქტზე განცხადებას ავრცელებს, პრემიერ–მინისტრის თქმით, რეგიონში მშვიდობის დამყარების მიზნით, საქართველო მზად არის, ნებისმიერი ფორმით შეუწყოს ხელი ამ პროცესს, მათ შორის, დიალოგისთვის, უმასპინძლოს კონფლიქტის მხარეების წარმომადგენელთა შეხვედრას თბილისში.
01.10.2020 - სამცხე-ჯავახეთში, ეთნიკურად სომხები მათ დასახლებებში თანხისა და პროდუქტის შეგროვებას აგრძელებენ. ჰუმანიტარული დახმარებით მათ სურვილი აქვთ ყარაბაღის კონფლიქტში მონაწილეებს და დაზარალებულებს დაეხმარნონ.
01.10.2020 - ახალციხეში, მიხეილ იაძის სახელობის სტადიონზე „სამცხემ“ სოხუმის „დინამოს“ 1:0 მოუგო.
30.09.2020 - ბორჯომის ცენტრალური სტადიონის რეაბილიტაციისთვის საპროექტო დოკუმენტაცია მომზადდება, პროექტის სავარაუდო ღირებულება 1,5 მილიონი ლარია.
30.09.2020 - 29 სექტემბერს კარწახთან, ადგილობრივმა მოსახლეობამ საქართველო–თურქეთის დამაკავშირებელი ცენტრალური გზა გადაკეტა. ისინი თურქეთიდან საქართველოს მიმართულებით მოძრავ მანქანებს არ ატარებდნენ. აქციის მონაწილეები აცხადებენ, პროტესტის ამ ფორმით ცდილობდნენ გაერკვიათ, რატომ უშლიან ხელს ყარაბაღის კონფლიქტში მონაწილე სომეხი ჯარისკაცების და დაზარალებულების დახმარებაში.
29.09.2020 - უკვე მეორე დღეა სამცხე-ჯავახეთში მცხოვრები ეთნიკურად სომხები, მთიანი ყარაბაღის დაპირისპირებაში დაზარალებული სომხების დასახმარებლად ჰუმანიტარულ ტვირთს აგროვებენ. გარკვეული აქტივობები აქვთ ქვეყანაში მცხოვრებ აზერბაიჯანელებსაც. ექსპერტები მიიჩნევენ, რომ მსგავსი კონფლიქტის დროს ეთნიკური უმცირესობების ქმედებებს სახელმწიფომ სერიოზული ყურადღება უნდა მიაქციოს, რადგან ეს საფრთხის შემცველია.
29.09.2020 - ახალქალქის სოფელ კარწახში სომხური თემი შეიკრიბა. ისინი აცხადებენ, რომ სარკინიგზო ხაზის გადაკეტვას გეგმავენ, რადგან ამ გზის მეშვეობით თურქეთიდან აზერბაიჯანში საბრძოლო მასალა შედის.
29.09.2020 - ახალციხეში ეთნიკურად სომეხი მოსახლეობა შეთანხმდა,რომ მთიანი ყარაბაღის კონფლიქტში დაზარალებულებს სურსათის ნაცვლად თანხით დაეხმარება.
29.09.2020 - ახალციხეში, სომხური სასაფლაოს მიმდებარე ტერიტორიაზე შეკრებილმა ეთნიკურად სომეხმა მოსახლეობამ გადაწყვიტა, რომ პირველ ეტაპზე, ყარაბაღის კონფლიქტში დაზარალებულებს პროდუქტი გაუგზავნოს.
29.09.2020 - ახალციხეში, სომხურ სასაფლაოსთან, მუნიციპალიტეტში მცხოვრები ეთნიკურად სომეხი მოსახლეობა იკრიბება. მათი თქმით, უნდა გადაწყვიტონ, როგორ შეძლებენ კონფლიქტისას სომხური მხარის დახმარებას.
29.09.2020 - COVID-19-თან დაკავშირებით საკოორდინაციო სამუშაო ჯგუფის გადაწყვეტილებით, სამცხე–ჯავახეთის მუნიციპალიტეტებში მდებარე ბაზრებსა და სავაჭრო ობიექტებში, აგრეთვე საზოგადოებრივი ტრანსპორტით გადაადგილებასთან დაკავშირებით დადგენილი წესები მკაცრდება. სახელმწიფო რწმუნებულის ადმინისტრაცია მოუწოდებს რეგიონის მოსახლეობას, მკაცრად დაიცვან რეკომენდაციები, მოერიდონ თავშეყრის ადგილებს და თავი შეიკაონ მაღალი საფრთხის მქონე რეგიონებში მოგზაურობისაგან.
29.09.2020 - როგორ გარემოში უწევთ სწავლა პანდემიის პირობებში მოსწავლეებს, რა ახდენს მათზე ნეგატიურ გავლენას და რა როლი აქვს ამ დროს მშობლებსა და მასწავლებლებს. "საფეხურის" სტუმარია ფსიქოლოგი ნინა ლაბარტყავა.
29.09.2020 - დაახლოებით ორსაათიანი მოლაპარაკებების შემდეგ, საქართველო–სომხეთის საზღვართან შეკრებილ მოსახლეობას, პოლიციამ სურსათით დატვირთული მანქანების სომხეთში გადასვლის ნებართვა მისცა.
28.09.2020 - საქართველო–სომხეთის საზღვართან შეკრებილი მოსახლეობა საზღვრის გახსნას და სატვირთოების გატარებას ითხოვს. ადგილობრივები აცხადებენ, რომ ყარაბაღის კონფლიქტში მონაწილები პირების დასახმარებლად მედიკამენტების, ტანსაცმლის, საკვების და საბურავების ჩატანა სურთ.
28.09.2020 - ნინოწმინდაში ადგილობრივები აქციას მართავენ, ისინი საქართველო–სომხეთის საზღვრის გახსნას ითხოვენ.
28.09.2020 - განათლების მინისტრის, მიხეილ ჩხენკელის განცხადებით, საბავშვო ბაღებში სწავლა პირველის ნაცვლად, 12 ოქტომბერს განახლდება.
27.09.2020 - შერეული ორთაბრძოლების სპორტსმენმა, გიორგი აკოშვილმა, უკრაინის ჩემპიონი ევგენი ბირკოვსკი დაამარცხა.
27.09.2020 - 2020 წლის 27 სექტემბრის დილას, ყარაბაღსა და აზერბაიჯან-სომხეთის საზღვარზე, საბრძოლო მოქმედებები დაიწყო. სომხეთის ხელისუფლება ამტკიცებს, რომ იერიში პირველად აზერბაიჯანის სამხედრო ძალებმა მიიტანეს. საპირისპიროს აცხადებენ აზერბაიჯანში.
27.09.2020 - მართლმადიდებელი ეკლესია დღეს, 27 სექტემბერს ჯვართამაღლებას აღნიშნავს. დღესასწაულთან დაკავშირებით ტაძრებში საზეიმო წირვა სრულდება.
27.09.2020 - სოხუმის დაცემის 27 წლისთავთან დაკავშირებით და აფხაზეთის ომში დაღუპულთა ხსოვნის პატივის მიგების მიზნით, სახელმწიფო დროშები დაშვებულია ყველა სახელმწიფო უწყების შენობაზე. აფხაზეთში სამხედრო დაპირისპირება 13 თვეს და 13 დღეს გაგრძელდა და 1993 წლის 27 სექტემბერს, სოხუმის დაცემით და საქართველოს შეიარაღებული ძალების მარცხით დასრულდა.