10.09.2020 - თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, 57 ახალი შემთხვევიდან 8 პაციენტის დაინფიცირების წყარო უცნობია, ამ ეტაპზე მიმდინარეობს კონტაქტების კვლევის მოძიება.
10.09.2020 - დღეს, 10 სექტემბერს საქართველოში კორონავირუსით დაინფიცირების 57 ახალი შემთხვევა დაფიქსირდა, გამოჯანმრთელდა ცხრა პაციენტი.
09.09.2020 - ბორჯომი–ასპინძის მაჟორიტარი დეპუტატი თვითიზოლაციაში იმყოფება, როგორც თავად ამბობს შეხვედრა ჰქონდა ლევან გოგიჩაიშვილთან, რომელსაც covid-19 დაუდასტურდა.
09.09.2020 - საქართველოს მეზობელი ქვეყნებიდან, ვირუსის გავრცელების ყველაზე მაღალი მაჩვენებელი რუსეთში ფიქსირდება, ქვეყანაში 1 041 007 ინფიცირებულიდან 18 153 ადამიანი გარდაიცვალა, ვირუსის გავრცელების ტემპმა მკვეთრად დაიკლო თურქეთში, თუმცა გარდაცვლილების რაოდენობით მეორე ადგილზეა.
09.09.2020 - საქართველოს ჯანდაცვის მინისტრის, ეკატერინე ტიკარაძის განცხადებით, პაციენტებს, რომლებსაც არ აქვთ ქრონიკული დაავადებები და ვირუსი მიმდინარეობს უსიმპტომოდ, საკარანტინო სივრცეში გადაიყვანენ.
09.09.2020 - მთავრობის გადაწყვეტილებით, სპორტულ და კულტურულ ღონისძიებებში 200 ადამიანზე მეტის მონაწილეობა იკრძალება და ამ რეგულაციის დარღვევის შემთხვევაში, სანქციები მოქმედებს, თუმცა ამავე რაოდენობის ადამიანების საარჩევნო აგიტაციაში მონაწილეობა არ იკრძალება.
09.09.2020 - 10 სექტემბრიდან იუბილეების, ქორწილებისა და ქელეხების გამართვა, როგორც დახურულ, ასევე ღია სივრცეებში იკრძალება - ამის შესახებ, მთავრობის ადმინისტრაციის უფროსმა ნათია მეზვრიშვილმა განაცხადა.
09.09.2020 - თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ქვეყანაში არსებული სიტუაციიდან გამომდინარე აუცილებელია გამკაცრდეს რეგულაციების შესრულება და მის აღსრულებაზე კონტროლი.
09.09.2020 - დღეს, ცხრა სექტემბერს ქვეყანაში კორონავირუსით ინფიცირების 44 შემთხვევა გამოვლინდა, გამოჯანმრთელდა 4 პაციენტი.
08.09.2020 - დღეს, რვა სექტემბერს ქვეყანაში კორონავირუსით ინფიცირების ყველაზე მაღალი მაჩვენებელი დაფიქსირდა, ბოლო 24 საათში COVID-19-ით 45 ადამიანი დაინფიცირდა, გამოჯანმრთელდა 6 პაციენტი.
07.09.2020 - ყველა იმ პირს, რომელიც ბოლო ორი კვირის განმავლობაში ბათუმში (საკონდიტრო „დონა“ და ჩაქვის „ოაზისი“) იმყოფებოდა, კორონავირუსზე PCR ტესტს უფასოდ გაუკეთებენ.
07.09.2020 - საკოორდინაციო საბჭოს გადაწყვეტილებით, დახურულ სივრცეებში მონიტორინგს შრომის ინსპექცია შსს–სთან ერთად განახორციელებს, ჯანდაცვის მინისტრის თქმით, დარღვევებზე სანქციები გაცილებით მკაცრი იქნება.
07.09.2020 - დღეს, შვიდ სექტემბერს საკოორდინაციო საბჭოს დასრულების შემდეგ გამართულ ბრიფინგზე, საქართველოს პრემიერ–მინისტრმა, გიორგი გახარიამ განაცხადა, რომ აუცილებელია სოციალური და სარიტუალო ღონისძიებების კონტროლის კიდევ უფრო გამკაცრება, განსაკუთრებით დახურულ სივრცეში.
07.09.2020 - საქართველოს პრემიერ–მინისტრის გიორგი გახარიას განცხადებით, კარანტინში მყოფ პირებს „პისიარ“ ტესტი მეცხრე დღეს ჩაუტარდებათ, უარყოფითი პასუხის შემთხვევაში მოქალაქეები საკარანტინო სივრცეს დატოვებენ.
07.09.2020 - Stopcov.ge-ზე გამოქვეყნებული ინფორმაციით, საქართველოში კორონავირუსი კიდევ 34 ადამიანს დაუდგინდა, გამოჯანმრთელებული პაციენტების რაოდენობა ხუთით გაიზარდა.
06.09.2020 - დღეს, 6 სექტემბერს, საქართველოში COVID 19–ით ინფიცირების 29 ახალი შემთხვევა გამოვლინდა, მათი რიცხვი 1650 გახდა.
05.09.2020 - იმ სკოლებს, რომლებსაც არც წყალი აქვთ და არც ჰიგიენური საშუალებები, სანიტარული ნორმები რომ დაიცვან, ადგილობრივი თვითმმართველობა უნდა დაეხმაროს – ამის შესახებ, დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა.
05.09.2020 - დღეს, 5 სექტემბერს საქართველოში კორონავირუსის 25 ახალი შემთხვევა გამოვლინდა, ინფიცირებულთა საერთო რაოდენობა 1621 გახდა. გამოჯანმრთელებულია კიდევ 8 პაციენტი.
04.09.2020 - თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, 4 სექტემბერს დადასტურებული 28 ახალი შემთხვევიდან ოთხის წყარო უცნობია და ამ ეტაპზე ეპიდკვლევა გრძელდება.
03.09.2020 - საქართველოში დღეს, სამ სექტემბერს კორონავირუსის 20 ახალი შემთხვევა დაფიქსირდა, გამოჯანმრთელებული პაციენტების რაოდენობა 9–ით გაიზარდა.
FM97.5 / LIVE