29.01.2019 - თავდაცვის მინისტრმა ლევან იზორიამ განაცხადა, რომ თავდაცვის მზადყოფნის პროგრამაში ჩართული სამხედროები წოდების მიხედვით, 100-დან 500 ლარამდე გაზრდილ ხელფასს მიიღებენ.
28.01.2019 - საქართველოს ტურიზმის ეროვნული ადმინისტრაციისა და USAID/Zrda-ს ინიციატივით, სამცხე–ჯავახეთში რეგიონული ააიპ–ი იქმნება. ორგანიზაციამ ტურიზმის მიმართულებით უნდა იმუშაოს და მისი ფუნქციონირებისთვის თანხა ექვსივე მუნიციპალიტეტის ბიუჯეტიდან გამოიყოფა.
28.01.2019 - "ეროვნულ დემოკრატიული ინსტიტუტის" კვლევის თანახმად, მოსახლეობის უმრავლესობას, 53%-ს მიაჩნია, რომ ქვეყანა სიღარიბის დაძლევის კუთხით არასწორად ვითარდება.
26.01.2019 - რეგიონული განვითარების სამინისტროს ინფორმაციით, სოფლის მხარდაჭერის პროგრამისთვის თანხის დამატება იგეგმება.
25.01.2019 - ახალციხეში, მეხუთე საჯარო სკოლის დაწყებითი კლასების კორპუსთან ეზოს კედლის ნაწილი ჩამონგრეულია. მშობლები ბავშვების უსაფრთხოებაზე პასუხისმგებლობას სასწავლებლის ადმინისტრაციას აკისრებენ, სკოლის დირექციაში კი არსებულ ვითარებაზე კომენტარს არ აკეთებენ.
24.01.2019 - სურსათის ეროვნული სააგენტოს ინსპექტირების ჯგუფებმა, ბაკურიანსა და ბორჯომში 57 კვების ობიექტი შეამოწმეს და 33–ში დარღვევები აღმოაჩინეს. მათ შორის შვიდს, საწარმოო პროცესი შეუჩერეს.
24.01.2019 - ახალციხეში, საბარგო სადგურზე მდებარე ტექდათვალიერების ცენტრი, დიდი ნაკადის გამო, რიგში მდგომი ყველა მანქანის შემოწმებას ვერ ასწრებს. სამცხე–ჯავახეთში მძღოლები ტექდათვალიერების ცენტრის დამატების აუცილებლობაზე საუბრობენ.
24.01.2019 - ახალციხეში, რუსთაველის, თამარაშვილის, ცხრა აპრილისა და ასპინძის ქუჩებზე ექვსი კორპუსის სარეაბილიტაციო სამუშაოებისათვის მერიამ ორი ტენდერი გამოაცხადა.
23.01.2019 - მომხმარებლის ინფორმირებულობის გაზრდისა და მისი უფლებების დაცვის მიზნით, 2019 წლის პირველი მარტიდან ამოქმედდება ტექნიკური რეგლამენტი „მომხმარებლისათვის სურსათის შესახებ ინფორმაციის მიწოდების - სურსათის ეტიკეტირების წესის შესახებ".
22.01.2019 - მიუსაფარი ძაღლების პრობლემა სამცხე–ჯავახეთის ყველა მუნიციპალიტეტში აქტუალურია. ვიდრე რეგიონში ცხოველების თავშესაფარი აშენდება, მუნიციპალიტეტების ნაწილში ძაღლებს სტერილიზაცია–კასტრაცია უტარდება.
22.01.2019 - კომუნიკაციების კომისია აცხადებს, რომ "ჯეოსელისა" და "მაგთის" აბონენტებისთვის ტარიფის გაზრდის არანაირი წინაპირობა და საფუძველი არ არსებობს.
21.01.2019 - ახალციხის ბიუჯეტის გასული წლის ნაშთი 1 331 000 ლარია. ამ თანხიდან 300 000 ლარი სოფლის მხარდაჭერის პროგრამის ფარგლებში გამოყოფილ თანხას დაემატება და შესაბამისად, სოფლებში განსახორციელებელი პროექტებისთვის დაიხარჯება.
21.01.2019 - ახალციხიდან სოფელ წინუბნამდე მისასვლელი გზის მოსაწყობად სამშენებლო სამუშაოებზე ახალციხის მერიამ ტენდერი გამოაცხადა. წინუბანში ადგილობრივები აღნიშნული მონაკვეთის მოწყობას საპროტესტო აქციებზე ითხოვდნენ.
21.01.2019 - ჯეოსელისა და მაგთის აბონენტებს 18 თებერვლიდან სააბონენტო გადასახადის გადახდა მოუწევთ. ჯეოსელის აბონენტებს სამ თვეში 60 თეთრის, მაგთის აბონენტებს კი ერთი ლარის. იცლება სხვა პაკეტების ღირებულებაც.
19.01.2019 - ბაკურიანში, საქართველოს სამთო-სათხილამურო თასის მეორე ეტაპი - სლალომის სახეობაში გაიმართა.
18.01.2019 - ახალციხის მუნიციპალიტეტის საკრებულოში ამ წელს რიგით პირველი სხდომა ჩატარდა. სხდომას 22 დეპუტატი ესწრებოდა.
17.01.2019 - 1–15 იანვრის პერიოდში, პრობლემური სესხების განულების პროექტში დამატებით 14-მა საფინანსო ორგანიზაციამ გამოთქვა თანამშრომლობის სურვილი და გაყიდა საკუთრებაში არსებული სესხები.
17.01.2019 - ახალციხის მუნიციპალიტეტიში, აგარების მონასტერთან მისასვლელი გზის რეაბილიტაციისთვის 1 400 000 ლარზე მეტი გამოიყო. გზის სარეაბილიტაციო მონაკვეთის სიგრძე დაახლოებით ხუთი კილომეტრია.
16.01.2019 - შპს „კეთილმოწყობის“ ყოფილი თანამშრომლები, რომლებსაც ახალციხეში გარეგანათების ბოძების მოვლა–პატრონობა ევალებოდათ აცხადებენ, რომ სამსახურის უფროსმა ისინი ზეგანაკვეთური საათების ანაზღაურების მოთხოვნის გამო გაათავისუფლა. შპს–ს ხელმძღვანელი კი ირწმუნება, რომ თანამშრომლები დაკისრებულ მოვალეობას არაკეთილსინდისიერად ასრულებდნენ, ამიტომ ხელშეკრულებები აღარ გაუგრძელა.
16.01.2019 - ახალციხეში, ავტომობილის პერიოდული ტექნიკური ინსპექტირების ცენტრში, რომელიც სამცხე–ჯავახეთში მხოლოდ ერთია, ტექდათვალიერების გავლას ათობით მანქანა ელოდება.
FM97.5 / LIVE