24.07.2020 - დღეს 24 ივლისს, ნინოწმინდაში მიცუბიშის მარკის მანქანა საავტომობილო გზიდან გადავარდა და ამოტრიალდა, შემთხვევის შედეგად ერთი ადამიანი გარდაიცვალა, არიან დაშავებულებიც.
23.07.2020 - დღეს, 22 ივლისს სოფელ მლაშეში ადიგენის საზოგადოებრივი ცენტრის ხელმძღვანელი, ბექა გოგრიჭიანი ოჯახის წევრებმა საპირფარეშოში დაჭრილი ნახეს, 29 წლის ახალგაზრდას ჭრილობა თავის არეში, მისივე იარაღით აქვს მიყენებული.
22.07.2020 - დღეს, 22 ივლისს ნინოწმინდაში ადგილობრივ ბაგრატ მოსოიანის საცხოვრებელი სახლის ნაწილი ჩამოინგრა, იგი შემთხვევის დროს სახლის მიმდებარედ სათავსოს აშენებდა.
22.07.2020 - ახალქალაქის მუნიციპალიტეტის სოფელ კარტიკამის მკვიდრი გრიშა ერანოსიანი რვა დღიანი ძებნის შემდეგ, სამართალდამცავებმა თბილისში იპოვეს. იგი თავს კარგად გრძნობს.
22.07.2020 - ადიგენის საზოგადოებრივი ცენტრის თანამშრომელი ბექა გოგრიჭიანი სოფელ მლაშეში, საცხოვრებელი სახლის ეზოში დაჭრილი იპოვეს, მას თბილისში „ჯერარსის“ კლინიკაში გადაუდებელი ოპერაცია უტარდება.
21.07.2020 - ახალციხეში, პირველ საჯარო სკოლასთან შუახნის მამაკაცს სცემეს. საქმეზე მიმდინარეობს გამოძიება.
20.07.2020 - ახალციხეში, თამარაშვილის ქუჩაზე, პოლიციისა და იუსტიციის სახლის უკან შუახნის კაცს ჯგუფურად სცემეს. იგი სამი დღე საავადმყოფოში მკურნალობდა, ახლა კი სახლში წოლითი რეჟიმი აქვს. საქმეზე გამოძიება მიმდინარეობს, დაკავებული არავინაა.
20.07.2020 - დღეს, 18 ივლისს გამთენიისას გარემოს დაცვითი ზედამხედველობის დეპარტამენტის მანქანა მსუბუქ ავტომობილს შეეჯახა. დაშავდა გარემოს დაცვის თანამშრომელი და კიდევ ერთი პირი. ისინი ახალციხის რეფერალურ ჰოსპიტალში გადაიყვანეს.
17.07.2020 - ახალქალაქის მუნიციპალიტეტის სოფელი სამსარი დაისეტყვა, სტიქიის შედეგად კარტოფილის ნათესებია დაზიანებული.
16.07.2020 - ახალქალაქის მუნიციპალიტეტის სოფელ კარტიკამში გრიშა ერანოსიანს მესამე დღეა ეძებენ, იგი სახლიდან 13 ივლისს გავიდა და აღარ დაბრუნებულა.
14.07.2020 - ადიგენი–ახალციხის დამაკავშირებელ გზაზე მერსედესის მარკის მანქანას ცეცხლი გაუჩნდა. თვითმხილველების ინფორმაციით, მანქანაში ერთი პირი იმყოფებოდა, იგი თავს კარგად გრძნობს და მის სიცოცხლეს საფრთხე არ ემუქრება.
13.07.2020 - ახალციხეში სასტუმრო "მესხეთის" მესამე სართულიდან ჩამოვარდნილი მინა ახალგაზრდა ქალს დაეცა, მას ხელი აქვს დაზიანებული.
12.07.2020 - დღეს, 12 ივლისს გამთენიისას ახალციხეში ქვეითად მოსიარულე 33 წლის ქალს მანქანა დაეჯახა. იგი ჯერ „იმედის“ კლინიკაში შემდეგ კი თბილისში, ქირურგიის ეროვნულ ცენტრში გადაიყვანეს.
12.07.2020 - დღეს, 12 ივლისს საქართველოში 4,5 მაგნიტუდის სიმძლავრის მიწისძვრა მოხდა, ეპიცენტრი ქარელის მუნიციპალიტეტი იყო, თუმცა ბიძგები ახალციხესა და ბორჯომშიც იგრძნობოდა.
09.07.2020 - ახალციხეში გვიან ღამით მაღაზია დაიწვა, სრულად განადგურდა სურსათი, ბოსტნეული და პარფიუმერია. მეპატრონის განცხადებით ზარალი 100 000 ლარამდეა.
08.07.2020 - ავტოსაგზაო შემთხვევის დროს ტრაილერს ორი „კატოკი“ გადაჰქონდა. დაშავებული მძღოლი ახალქალაქის საავადმყოფოში გადაიყვანეს.
07.07.2020 - ჩარხის წყლის დასახლებაში, ხანძრის ქრობის დროს, სახურავიდან ახალგაზრდა გადმოვარდა, მას ფეხი აქვს დაზიანებული.
07.07.2020 - თვითმხილველების ინფორმაციით, ბორჯომში, ჩარხის წყლის დასახლებაში ხანძარი პირველად კომერციულ ფართში გაჩნდა, შემდეგ საცხოვრებელ სახლებზე გავრცელდა. ადგილზე მობილიზებულია სახანძრო–სამაშველო სამსახურის ოთხი ეკიპაჟი.
04.07.2020 - დღეს, 4 ივლისს, ძლიერი სეტყვა იყო ახალციხის მუნიციპალიტეტის სოფელ სვირში, დაისეტყვა სოფელი ბოგაც.
03.07.2020 - ადიგენში, სოფელ მლაშეში 75 წლის ქალი საკუთარი სახლის ეზოში გარდაცვლილი იპოვეს. მომხდარზე დაწყებულია გამოძიება.