15.11.2018 - აბასთუმანში ივანიშვილის ორკვირიანი სტუმრობის შემდეგ მგფ–მა კურორტის განაშენიანების გეგმაზე მუშაობა, ფონდ „ქართუმ“ კი ექვსი პროექტის განხორციელება დაიწყო. ასევე, გადაწყდა, რომ კურორტზე მანქანები აღარ იმოძრავებენ და ამიტომ აბასთუმანი–ბაღდათის გზის მშენებლობა შეაჩერეს.
15.11.2018 - სამცხე–ჯავახეთში მიუსაფარ ცხოველთა თავშესაფრის მშენებლობისათვის ტენდერი წლის ბოლომდე გამოცხადდება. თავშესაფრის პროექტს კი მისი ავტორები რეგიონს უსასყიდლოდ გადასცემენ.
15.11.2018 - აბასთუმანში სანატორიუმ „ცისარტყელას“ ადგილზე ხუთვარსკვლავიანი სასტუმრო შენდება. სასტუმროს აშენებს პანამაში რეგისტრირებული ოფშორული კომპანია, რომელიც ბიძინა ივანიშვილთანაა დაკავშირებული.
15.11.2018 - 2018 წელს ასპინძის მუნიციპალიტეტის მერიამ 12 კულტურული ღონისძიება გამართა და ამისთვის 20 524 ლარი გაწერა.
15.11.2018 - სამცხე–ჯავახეთში ტურისტული დანიშნულების ადგილის მართვის ორგანიზაცია (DMO) ყალიბდება. მისი მიზანი რეგიონში ტურიზმის განვითარების ხელშეწყობა იქნება.
15.11.2018 - ბორჯომის მერიამ ორი ნაგავმზიდი და ერთი მრავალფუნქციური ქუჩების საწმენდი მანქანა შეიძინა. ახალი ტექნიკისათვის ადგილობრივი მუნიციპალიტეტის ბიუჯეტიდან 583 000 ლარი გაიხარჯა.
15.11.2018 - სამცხე–ჯავახეთის თვითმმართველობების ბიუჯეტებიდან მართლმადიდებლური ეკლესიებისთვის ორ წელიწადში მილიონ ლარზე მეტი გამოიყო, თუმცა განსხვავებულია ვითარება სხვა რელიგიურ კონფესიებთან მიმართებაში.
14.11.2018 - 2017 და 2018 წლებში ასპინძის ადგილობრივ ბიუჯეტში წარმომადგენლობითი ხარჯისთვის გაწერილი 10 994 ლარი იყო. ამ თანხიდან 5 000 ლარი შარშან, ერთი ღონისძიების შემდეგ გაშლილი სუფრისთვის დაიხარჯა, დანარჩენი თანხით კი მერია სტუმრებს რესტორნებში წელს გაუმასპინძლდა.
13.11.2018 - ახალციხის მუნიციპალიტეტში 25 საბავშვო ბაღიდან 20–ში შეშის ღუმელით თბებიან. ხუთ საბავშვო ბაღში, რომელთაგან ოთხი ქალაქ ახალციხეში, ერთი კი ვალეში მდებარეობს, ბუნებრივი აირია შეყვანილი.
13.11.2018 - ზამთრის კურორტებზე, სეზონი ოფიციალურად, ბაკურიანში დიდველის სათხილამურო ტრასის გახსნით დაიწყება. ამავე დღეს სეზონის გაიხსნება გოდერძშიც.
13.11.2018 - დაბა ბაკურიანის სარეკრეაციო ტერიტორიაზე მდებარე მიწის ნაკვეთების განაშენიანების რეგულირების გეგმა დამტკიცდა. დოკუმენტი ხელს უწყობს, რომ მთის კურორტისათვის საჭირო რეკრეაციული ინფრასტრუქტურა შეიქმნას.
13.11.2018 - კურორტ აბასთუმანში სასმელი წყლის სისტემის რეაბილიტაციის პირველი ეტაპი იწყება. ამ დროისათვის, ტენდერში გამარჯვებული კომპანიისთვის ხელშეკრულებას ამზადებენ. სამუშაოებისათვის 4 658 902 ლარი დაიხარჯება.
13.11.2018 - ასპინძაში "კინოს შენობის" დემონტაჟისთვის ადგილობრივი ბიუჯეტიდან დაახლოებით 11 000 ლარი გამოიყო. მუნიციპალიტეტის მერიის ინფორმაციით, შენობა სიძველის გამო ინგრეოდა და ადგილობრივებისათვის საფრთხეს წარმოადგენდა.
12.11.2018 - ახალქალაქში, სოფელ კოთელიაში აშენდება რძის გადამამუშავებელი კოოპერაციული საწარმო, რომელიც დღეში 10 ტონა რძეს გადაამუშავებს. საწარმო 2019 წელს ამოქმედდება.
12.11.2018 - ახალციხის საკრებულოს დეპუტატები სოფლებამდე მისასვლელი გზების, სასმელი წყლის და გარეგანათების მოსაწყობად მერიას 2019 წლის ბიუჯეტში თანხის გათვალისწინებას სთხოვენ.
09.11.2018 - არჩევნების პირველი ტურიდან მეხუთე დღეს, პრემიერი სოციალურად დაუცველი 16 წლამდე ბავშვების დახმარების ხუთჯერ გაზრდის ინიციატივით გამოვიდა. სოციალურად დაუცველი ოჯახები ამ ინიციატივას მიესალმებიან, NGO-ები კი წინასაარჩევნოდ ადმინისტრაციული რესურსის გამოყენებად აფასებენ.
09.11.2018 - სამცხე–ჯავახეთში ფერმერები ამბობენ, რომ წელს კარტოფილის მოსავალი ცუდი არაა, თუმცა რაც მიიღეს ვერ ასაღებენ, ფასი დაბალია და ამიტომ სარდაფებში ინახავენ.
09.11.2018 - სამცხე-ჯავახეთის სახელმწიფო უნივერსიტეტი მეორე კორპუსთან მდებარე ამორტიზებული სპორტდარბაზის შეკეთებას ახალციხის მერიას სთხოვს. ამისთვის სასწავლებელი მუნიციპალიტეტს შენობას უზურფრუქტის წესით გადასცემს.
08.11.2018 - ახალციხის ციხეზე ფასადების, ტერასებისა და ქვაფენილების სარეაბილიტაციო სამუშაოები მიმდინარეობს.
08.11.2018 - ახალციხეში, სკოლის ყოფილ შენობაში შესახლებულ ოთხ ოჯახს ზამთრის გატარება, ისევ სადავო შენობაში მოუწევს. მათ მერიის მიერ შეთავაზებულ სამ ალტერნატიულ ფართზე უარი თქვეს, ამიტომ მერია მათთვის სხვა შენობების შეთავაზებას გეგმავს.
FM97.5 / LIVE