ახალციხის მუნიციპალიტეტის სოფლებში ადგილობრივი თვითმმართველობის არჩევნების მოახლოება არ იგრძნობა, არც საარჩევნო პლაკატები ჩანს სადმე და არც შეხვედრები ტარდება.
ბორჯომის მუნიციპალიტეტში, „ქართული ოცნების“ სახელით, გამგებლობისთვის დიმიტრი ყიფიანი იბრძოლებს. ყიფიანი ამომრჩევლებს პარლამენტის წევრმა გიორგი ვოლსკიმ წარუდგინა.
ახალციხის რაიონულმა სასამართლომ, ადიგენის ყოფილ გამგებელსა და მის ორ თანამშრომელს გამამტყუნებელი განაჩენი გამოუტანა, დააკისრა ჯარიმა – 3000 ლარი და ერთი წლით ჩამორთვა საჯარო სამსახურში დანიშვნის უფლება.
ადიგენის მუნიციპალიტეტის გამგებლობის კანდიდატად „ქართულმა ოცნებამ“ ზაქარია ენდელაძე დაასახელა. ამომრჩევლებს ენდელაძე გამგებლობის კანდიდატად პარლამენტის წევრებმა: გიორგი ვოლსკიმ და თემურ ხუბულურმა წარუდგინეს.
„ქართული ოცნების“ სახელით, ასპინძის გამგებლობისთვის, მოქმედი გამგებელი ლევან ცაბაძე იბრძოლებს. გამგებლობისა და მაჟორიტარი კანდიდატები კოალიციამ დღეს, 5 მაისს წარადგინა.
რა იციან ახალციხელმა ახალგაზრდებმა მომავალი არჩევნების შესახებ; როგორია მათი მოტივაცია, როგორ ხედავენ თავიანთ როლს თვითმმართველობის არჩევნებში და როგორ წარმოუდგენიათ ადგილობრივ ხელისუფლებასთან თანამშრომლობა.
აღდგომის დღესასწაულამდე 2 დღით ადრე ახალციხის აგრარულ ბაზარში ხალხმრავლობაა. გამყიდველები კლიენტის ნაკლებობას არ უჩივიან, მყიდველებს კი ამჯერად ფასებზე პრეტენზია არ უჩნდებათ - პროდუქტების ღირებულება უმნიშვნელოდაა გაზრდილი.
სამცხე-ჯავახეთს 11 აპრილს საქართველოს შინაგან საქმეთა მინისტრი ალექსანდრე ჭიკაიძე სტუმრობდა. მინისტრმა სამხარეო და რაიონული სამმართველოები და ასპინძაში შსს-ს მშენებარე კომპლექსური ბაზა მოინახულა. დღის ბოლოს კი ახალციხის ციხეს ესტუმრა.
"მოხეტიალე წიგნების" აქციის დაწყებიდან 4 დღეში, ახალციხის ქუჩებში 10 წიგნი "ხეტიალობს" და 4 მათგანს მპოვნელი უკვე ჰყავს, აქედან 1 კურორტ აბასთუმანში "წავიდა".
„შორს სისხლიანი ხელები“, „ნაცებო მოცოცხეთ“, „აღარ გვინდა კრიმინალები პოლიტიკაში“, - "ერთიანი ნაციონალური მოძრაობის" ლიდერებს, რომელთაც ახალციხეში, რაიონულ ორგანიზაციაში, შიდა სამუშაო სხდომა ჰქონდათ, ადგილობრივების ნაწილი საპროტესტო აქციით დახვდა.
ახალციხის მუნიციპალიტეტის გამგეობაში პროკურატურის მიერ დაწყებული ძიების პარალელურად, რასაც გამგებლის უფლებამოსილების შეწყვეტა მოჰყვა, ადგილობრივ ხელისუფლებაში საქმის ძიება ფინანსთა სამინისტროს საგამოძიებო სამსახურსაც აქვს დაწყებული.
ვიდეომასალაში, რომელიც ახალციხის მუნიციპალიტეტის საკრებულოს შენობაშია ჩაწერილი, გამგეობის თანამშრომელი რევაზ მერაბიშვილი იხსენებს, ფინანსთა სამინისტროს საგამოძიებო სამსახურის სამცხე-ჯავახეთის სამმართველოში, 27 მარტს, მისი დაკითხვის დეტალებს.
ახალციხის მუნიციპალიტეტის საკრებულოს თავმჯდომარე ოლეგ სანდროშვილი აცხადებს, რომ გამგეობის თანამშრომლებზე მიმდინარეობს ზეწოლა, რომლის მიზანიც მისი თანამდებობიდან ჩამოშორებაა.
ახალციხის მუნიციპალიტეტის ადმინისტრაციულ ერთეულებად დაყოფის საკითხმა დეპუტატები ერთმანეთს დაუპირისპირა, შედეგად, ერთ-ერთმა დეპუტატმა საკრებულოს სხდომა პროტესტის ნიშნად დატოვა. საკითხები, რაზეც დეპუტატები ვერ თანხმდებიან.
არსებობს თუ არა სეპარატისტული განწყობები ეთნიკური სომხებით დასახლებულ ჯავახეთში და რა მიზანი შეიძლება ჰქონდეს ბოლო დროს მედიაში გახშირებულ საუბარს ჯავახეთში მოსალოდნელ აჯანყებაზე - "სამხრეთის კარიბჭემ" ადგილობრივები გამოკითხა.
ახალციხის ქუჩებში გამოკითხულთა უმეტესობა ფიქრობს, რომ ექსპრეზიდენტი მიხეილ სააკაშვილი პროკურატურაში უნდა გამოცხადდეს და პასუხი გასცეს იმ კითხვებს, რაც მასთან გამოძიებას აქვს.
ახალციხის საგანამანათლებლო რესურსცენტრი მეხუთე სკოლას სთხოვს საგაკვეთილო პროცესი არ ჩაშალოს, სკოლაში კი აცხადებენ, რომ თუ სკოლის ხელმძღვანელად ინგა ვარდიძე დარჩება, გაკვეთილები არ გაცდება, მაგრამ საპროტესტო აქციები აუცილებლად გაიმართება.