15.10.2020 - დღეს, 15 ოქტომბერს ახალციხის ციხეზე, სამცხე–ჯავახეთის ტურისტული ააიპ „დანიშნულების ადგილის მართვის ორგანიზაციის“ სტრატეგიულ დოკუმენტზე იმსჯელეს, ასევე გაიმართა ორგანიზაციის მუშაობის ანგარიშის პრეზენტაცია.
15.10.2020 - ნოემბრიდან, ევროპის მიმართულებით, პირდაპირი ავიარეისების აღდგენა იგეგმება, ფრენები განხორციელდება, როგორც თბილისის, ისე ქუთაისის აეროპორტებიდან – ამის შესახებ პრემიერ-მინისტრმა, გიორგი გახარიამ დღეს, 15 ოქტომბერს განაცხადა.
15.10.2020 - 1–დან 30 სექტემბრის ჩათვლით, ქვეყნის მასშტაბით 539 გარემოსდაცვითი სამართალდარღვევა გამოვლინდა. ყველაზე მეტი ფაქტი ნადირობისა და თევზჭერის წესების დარღვევას ეხება. გარემოსდაცვითი სამართალდარღვევებიდან 50 ფაქტი სამცხე-ჯავახეთში დაფიქსირდა.
15.10.2020 - პრემიერ–მინისტრის, გიორგი გახარიას განცხადებით, გადაწყვეტილება რომლის მიხედვითაც, 19 ოქტომბრიდან უმაღლეს სასწავლებლებში სწავლა აუდიტორიებში უნდა განახლებულიყო, ძალაში რჩება. თუმცა უნივერსიტეტებს ექნებათ რეკომენდაცია, ლაბორატორიული და პრაქტიკული მეცადინეობის გარდა, სასწავლო პროცესი დისტანციურად წარმართონ.
14.10.2020 - დღეს, 14 ოქტომბერს ახალციხეში, რაბათში მდებარე ეკლესიაში „სამხრეთის კარიბჭეს“ ჟურნალისტს სიტყვიერი შეურაცხყოფა მიაყენეს, ტექნიკა წაართვეს და ეკლესიის ეზოდან ძალის გამოყენების გამოაძევეს. მრევლის გაღიზიანება ტაძარში ფოტოების გადაღებამ გამოიწვია.
14.10.2020 - ბორჯომის მოსწავლე–ახალგაზრდობის სახლს რეაბილიტაცია ჩაუტარდა, რისთვისაც 400 562 ლარი დაიხარჯა. ადგილობრივი თვითმმართველობის განცხადებით, უახლოეს პერიოდში, შენობა ახალი ინვენტარით აღიჭურვება, რის შემდეგაც დაწესებულება მუშაობას განაახლებს.
14.10.2020 - მართლმადიდებელი ეკლესია დღეს "წმინდა დიდებულთა ათორმეტთა მოციქულთა კრებას" - სვეტიცხოვლობას აღნიშნავს. ყველა მოქმედ ტაძარში წირვა–ლოცვა აღევლინება.
13.10.2020 - რესტორან „ალავერდში“, რომლის 100%–იანი წილის მესაკუთრე ახალციხის მერი, ზაზა მელიქიძეა, აკრძალვის მიუხედავად სადღესასწაულო სუფრა გაშალეს. ადგილობრივების განცხადებით, აქ ახალციხის საკრებულოს დეპუტატმა, კობა გელაშვილმა შვილიშვილის დაბადება აღნიშნა.
13.10.2020 - წინასაარჩევნო კამპანიის დაწყების პირველ კვირაში, ახალქალაქის და ადიგენის მუნიციპალიტეტების მერიებში, რამდენმა თანამშრომელმა ისარგებლა შვებულებით უცნობია. აღნიშნული თვითმმართველობებიდან საჯარო ინფორმაცია ერთი თვის წინ გამოვითხოვეთ, თუმცა პასუხები ვერ მივიღეთ. რაც შეეხება დანარჩენ ოთხ მუნიციპალიტეტს, შვებულებაში ჯამში 45 პირი გავიდა.
13.10.2020 - როგორ მუშაობენ მესხეთის დრამატული თეატრის მსახიობები, რატომ შეაჩერეს ღია ცის ქვეშ სპექტაკლების ჩვენება და რას გეგმავენ უახლოეს მომავალში – გადაცემის სტუმარია მსახიობი მანანა ბერიძე.
13.10.2020 - გარემოს ეროვნული სააგენტოს ინფორმაციით, სამცხე–ჯავახეთის ყველა მუნიციპალიტეტში, კვირის ბოლომდე უნალექო და მზიანი ამინდი შენარჩუნდება. ჰაერის ტემპერატურა 28 გრადუსამდე მოიმატებს.
13.10.2020 - საქართველოს ჟურნალისტური ეთიკის ქარტია შეშფოთებას გამოთქვამს ხელვაჩაურის მერის ჯუმბერ ვარდმანიძის მხრიდან ონლაინგამოცემა „ბათუმელების” ჟურნალისტის სიტყვიერი შეურაცხყოფის გამო.
13.10.2020 - გარემოს ეროვნული სააგენტოს განცხადებით, 13 და 14 ოქტომბერს საქართველოში შენარჩუნებული იქნება თბილი და უნალექო ამინდი. 15 ოქტომბერს დასავლეთ საქართველოს ცალკეულ რაიონში შესაძლებელია მცირე წვიმა.
12.10.2020 - დღეს, 12 ოქტომბერს, "ქართული ოცნების" მაჟორიტარი დეპუტატობის კანდიდატის წარდგენისას, პრემიერ–მინისტრმა გიორგი გახარიამ განაცხადა, რომ ახალციხეში გიორგი ბრწყინვალეს ძეგლი დაიდგმება და ბექა ჯაყელის სახელობის ქუჩა გაიხსნება.
12.10.2020 - „ენერგო–პრო ჯორჯიას“ განცხადებით, მიმდინარე წლის მაისში მაღალი ძაბვის მოვარდნის გამო, 110 ოჯახი დაზარალდა, აქედან ნაწილს დამწვარი ტექნიკის შეკეთების თანხა გადაუხადეს, ნაწილს კი ახალი უყიდეს.
12.10.2020 - დღეიდან, 12 ოქტომბრიდან ადიგენის მუნიციპალიტეტის სოფლების, ჭეჭლისა და დიდი ზანავის სკოლებმა, რომლებიც კორონავირუსის შემთხვევების გამო, დისტანციურ რეჟიმზე იყვნენ გადასულები, სწავლა შენობებში განაახლეს. არალში კი ხვალიდან, 13 ოქტომბრიდან დაიწყება.
12.10.2020 - მესხეთის თეატრმა, შემოქმედებითი კავშირი-საქართველოს თეატრალური საზოგადოების ყოველწლიური პრემია, ორ ნომინაციაში მიიღო.
12.10.2020 - დაცული ტერიტორიების სააგენტოს განცხადებით, ბორჯომ-ხარაგაულის ეროვნული პარკის აბასთუმნის ტერიტორიაზე ახალი სალაშქრო ბილიკები კეთდება, არსებულს კი რეაბილიტაცია უტარდება. ჯამში, 100 კილომეტრამდე სიგრძის ბილიკების რეაბილიტაციაა დაგეგმილი.
12.10.2020 - ახალქალაქისა და კუმურდოს მიტროპოლიტმა, მეუფე ნიკოლოზმა განმარტა რატომ ყიდულობს მიტოვებულ სოფელ ასფარაში სახლებს და რა როლი აქვთ შუამავლებს, რომლებისგანაც ეპარქია ქონებას ორჯერ ძვირად ყიდულობს.
12.10.2020 - დღეს, 12 ოქტომბერს ახალციხის საბავშვო ბაღებში სწავლა დაიწყო, სკოლამდელი აღზრდის დაწესებულებათა გაერთიანების განცხადებით, სწავლა ყველა ბაღში განახლდა.