სამცხე–ჯავახეთში 19 ოქტომბრამდე უნალექო და მზიანი ამინდია მოსალოდნელი

14 და 15 ოქტომბერს რეგიონის მასშტაბით უნალექო და მზიანი ამინდია მოსალოდნელი.

ახალციხეში, ადიგენში, ასპინძასა და ბორჯომში, დღის განმავლობაში ჰაერის ტემპერატურა +25, +27 გრადუსამდე გათბება, ხოლო ღამით +6, +8 გრადუსი დაფიქსირდება.

მზიანი ამინდია მოსალოდნელი მაღალ მთაში, ახალქალაქში, ბაკურიანსა და ნინოწმინდაში. დღის მაქსიმალური ტემპერატურა +22, +24 გრადუსი იქნება, ღამით კი ნავარაუდევია +2, +4.

16 და 17 ოქტომბერს რეგიონის მასშტაბით ტემპერატურა კიდევ 2 გრადუსით მოიმატებს.

ახალციხეში, ადიგენში, ასპინძასა და ბორჯომში დღისით ჰაერის ტემპერატურა +26, +28 გრადუსამდე მოიმატებს, ღამით კი +8, +10 გრადუსი იქნება.

უნალექო ამინდი შენარჩუნდება მაღალ მთაში, ახალქალაქში, ნინოწმინდასა და ბაკურიანში დღისით +23, +25, ღამით +4, +6 გრადუსი იქნება.

18 და 19 ოქტომბერს სამცხე–ჯავახეთის ყველა მუნიციპალიტეტში იგივე ტემპერატურა შენარჩუნდება.

[ნუკა სტეფნაძე]