ჭეჭლასა და დიდ ზანავში სწავლა საკლასო ოთახებში განახლდა

ჭეჭლისა და დიდი ზანავის სკოლები დისტანციურ სწავლებაზე 28-30 სექტემბერს გადავიდნენ. კორონავირუსი ზანავში მასწავლებელს, ჭეჭლაში კი მოსწავლეებს დაუდასტურდათ.

რაც შეეხება არლის საჯარო სკოლას, იქ სწავლა, ხვალიდან, 13 ოქტომბრიდან აღდგება.

12 ოქტომბრის მონაცემებით, ადიგენში COVID 19-ის 28 დადასტურებული შემთხვევაა.

დაბა ადიგენში – 2, ჭეჭლაში – 12, უდეში – 2, დიდ ზანავში – 5, ღორთუბანში – 2, ჭელაში – 1, კეხოვანში – 1, გომაროში – 1, არალში – 2;

რაც შეეხება მთლიანად რეგიონს, სულ 58 შერთხვევაა დაფიქსირებული, მათგან ცხრა უკვე გამოჯანმრთელდა.

[მარიამ ბარძიმაძე]