21.06.2019 - შინაგან საქმეთა სამინისტრო, პარლამენტის შენობის წინ განვითარებულ მოვლენებთან დაკავშირებით განცხადებას ავრცელებს.
![პარლამენტის შენობასთან სპეცრაზმმა ცრემლსადენი აირი გაუშვა [ვიდეო]](/uploads/posts/2019-06/1561061065_1111111111111111111.jpg "პარლამენტის შენობასთან სპეცრაზმმა ცრემლსადენი აირი გაუშვა [ვიდეო]")
21.06.2019 - პარლამენტის შენობასთან სპეცრაზმმა ცრემლსადენი აირი გაუშვა. დემონსტრანტების ნაწილი აცხადებს, რომ თვალები ეწვით და სუნთქვა უჭირთ.
20.06.2019 - სახალხო დამცველი ნინო ლომჯარია მოვუწოდებს ხელისუფლებას, რომ გადაიდგას ადეკვატური ნაბიჯები და დროულად გამოიკვეთოს პასუხისმგებელი პირები, რათა ჩაცხრეს ემოციური ფონი და თავიდან იქნეს არიდებული დაპირისპირება.
20.06.2019 - პარლამენტთან მოქალაქეებსა და პოლიციას შორის ვითარება კვლავ დაიძაბა. აქციის მონაწილეებმა პოლიციელებს ცარიელი ბოთლები დაუშინეს. ასევე ისმის შეძახილები „საქართველო, საქართველო“.
20.06.2019 - შს მინისტრი გიორგი გახარია ამბობს, რომ მოვლენები როგორც არ უნდა განვითარდეს, პოლიციასა და პარლამენტზე თავდასხმისთვის ყველა დაისჯება კანონის სრული სიმკაცრით. მისი თქმით ის, რაც ხდება ახლა არის არა სამწუხარო, არამედ ტრაგედია.
20.06.2019 - პარლამენტის შესასვლელთან პოლიციელებსა და აქციის მონაწილეებს შორის ფიზიკური დაპირისპირებაა. აქციის მონაწილეების ნაწილი სპეცრაზმს ფარებს ართმევს.
20.06.2019 - შინაგან საქმეთა სამინისტრო მოუწოდებს პარლამენტის წინ შეკრებილ აქციის მონაწილეებს, დაუყოვნებლივ შეწყვიტონ კანონდარღვევა და ძალადობა, არ აჰყვნენ პროვოკაციას, დაემორჩილონ პოლიციის მოთხოვნას და დატოვონ პარლამენტის ტერიტორია.
20.06.2019 - მთავრობის ადმინისტრაციის ეზოში წყლის ჭავლის მანქანები, სპეციალური ჯავშანტექნიკა და სახანძო მანქანები შედიან.
20.06.2019 - მმართველი პარტიის დეპუტატი არჩილ თალაკვაძე აცხადებს, რომ "ქართული ოცნება" ირაკლი კობახიძის გადადგომის საკითხს არ დააყენებს და არც მხარს დაუჭერს ოპოზიციიის იდეას.
20.06.2019 - რუსთაველის გამზირი გადაკეტილია, აქციის მონაწილეები რუსი დეპუტატების ჩამოსვლას აპროტესტებენ, ასევე პარლამენტის თავმჯდომარის, ირაკლი კობახიძის გადადგომას ითხოვენ.
20.06.2019 - "მსურს კიდევ ერთხელ გამოვეხმაურო იმ აღმაშფოთებელ ფაქტს, რომელსაც დღეს ადგილი ჰქონდა საქართველოს პარლამენტში. პირველი, რითაც მინდა დავიწყო, რუსული დელეგაცია დატოვებს საქართველოს, ბუნებრივია, ამ ფორმით კონფერენცია არ და ვერ გაგრძელდება, - „ქართული ოცნების" გენერალურმა მდივანმა თბილისში განვითარებულ მოვლენებთან დაკავშირებით განცხადება გააკეთა.
20.06.2019 - რუსი დეპუტატი სერგეი გავრილოვი სასტუმრო „რედისონის“ ტერიტორიიდან გაიყვანეს. აქციის მონაწილეებმა ავტომანქანამდე მისასვლელი გზა გადაკეტეს და რუს დეპუტატს წყლით სავსე ბოთლები და სხვადასხვა საგნები ესროლეს.
20.06.2019 - “უმძიმესი სანახავია საქართველოს უმაღლეს საკანონმდებლო ორგანოს მთავარ ტრიბუნასთან ოკუპანტი ქვეყნის დეპუტატის ხილვა!”, – აღნიშნულ განცხადებას საქართველოს პრემიერ-მინისტრი მამუკა ბახტაძე ფეისბუქის გვერდზე ავრცელებს.
20.06.2019 - ქართული ოცნების დეპუტატი ზაქარია ქუცნაშვილი საზოგადოებას ბოდიშს უხდის იმის გამო, რუსმა დეპუტატმა დაიკავა პარლამენტის თავმჯდომარის ადგილი. დეპუტატის თქმით, ის მზადაა პასუხისმგებლობა აიღოს მომხდარზე.
20.06.2019 - "ქართული ოცნების" თავმჯდომარე ბიძინა ივანიშვილი ფეისბუქით პარლამენტში განვითარებულ მოვლენებს გამოეხმაურა. მისი თქმით, დაუშვებელია, საქართველოს პარლამენტში ოკუპანტი სახელმწიფოს წარმომადგენელი ხელმძღვანელობდეს რაიმე სახის ფორუმს.
20.06.2019 - სამოქალაქო აქტივისტები საქართველოს პარლამენტში მართლმადიდებლობის საპარლამენტთაშორისო ასამბლეის მონაწილე რუსი დეპუტატების, მათ შორის კომუნისტ სერგეი გავრილოვის საქართველოში ყოფნას აპროტესტებენ.
20.06.2019 - საქართველოს პარლამენტში მიმდინარე მართლმადიდებლობის საპარლამენტთაშორისო ასამბლეას სხდომა შეჩერებულია. ოპოზიციური პარტიის წევრებმა სპიკერატი დაიკავეს, რის შემდეგაც ასამბლეის მონაწილეებმა სხდომათა დარბაზი დატოვეს.
20.06.2019 - ქართული ოცნების ლიდერის, მამუკა მდინარაძის განცხადებით, შექმნილი ვითარების გამო, საპარლამენტო სივრცეში მართლმადიდებლობის საპარლამენტთაშორისო ასამბლეა ვეღარ გაგრძელდება. იგი ბოდიშს უხდის ღონისძიების მონაწილეებს და დელეგატებს ამ დისკომფორტისთვის.
20.06.2019 - დღეს, 20 ივნისს საქართველოს პარლამენტში მიმდინარე მართლმადიდებლობის საპარლამენტთაშორისო ასამბლეის 26-ე სესიის სხდომას, 25 ქვეყნის ასამდე წარმომადგენლი ესწრება.
18.06.2019 - ჯანდაცვის მინისტრი დავით სერგეენკო ადასტურებს, რომ მინისტრის პოსტს ტოვებს. მისი თქმით, შესაბამისი განცხადება, პრემიერ-მინისტრთან ერთად, ოფიციალურად დღეს გაკეთდება.ამასთან, სერგეენკო ამბობს, რომ ის „ქართული ოცნების“ გუნდის წევრად რჩება.
FM97.5 / LIVE