წინასწარი მონაცემებით, საფრანგეთის საპრეზიდენტო არჩევნების მეორე ტურში ერთმანეთს პოლიტიკური მოძრაობა „წინ“-ის ლიდერი, ცენტრისტი ემანუელ მაკრონი და „ეროვნული ფრონტის“ ლიდერი მარინ ლე პენი დაუპირისპირდებიან.

შეძახილებით: „აღიარე“, „მკვლელი თურქები", ასევე, ხმის გამაძლიერებლებით ჩართული მუსიკებით, ანთებული ჩირაღდნებითა და სომხეთის დროშებით, ახალციხეში მცხოვრებმა სომეხი ეროვნების მოქალაქეებმა გენოციდის 102–ე წლისთავის აღნიშვნა დაიწყეს.

ორშაბათს, 24 აპრილს, ქალაქ ახალციხეს, დილის 07:00 საათიდან 13:00 საათამდე, შესაძლოა, ბუნებრივი აირის მიწოდება შეუწყდეს.

დღეს, 23 აპრილს, საღამოს, მაშველებმა სამცხე–ჯავახეთის სამხარეო–ადმინისტრაციის შენობის სახურავს აყრილი სახურავის ნაწილი მოაშორეს.

დღეს, 23 აპრილის საღამოდან, ქალაქ ახალციხის მოსახლეობის ნაწილს, ელექტროენერგიის მიწოდება შეუწყდა.

ახალქალაქში საქართველოს მე–9 მოწვევის პარლამენტის წევრის, სამველ მანუკიანის, ავტომობილების დაწვა სცადეს. პარლამენტში 'ქართული ოცნების' სიით გასული დეპუტატი მომხდარს პოლიტიკურ საქმიანობას უკავშირებს. საქმეს ნივთის დაზიანება–განადგურების მუხლით იძიებენ.

ხვალ, 24 აპრილს, სომეხთა გენოციდიდან 102 წელი სრულდება. გენოციდის ყოველი წლისთავის აღნიშვნას, საქართველოში მცხოვრები სომეხი ეროვნების მოქალაქეები ყოველწლიურად, 23 აპრილის საღამოდან იწყებენ და 24 აპრილს ასრულებენ.

გარემოს ეროვნული სააგენტოს ცნობით, 24 აპრილს საქართველოს მთელ ტერიტორიაზე მოსალოდნელია ძლიერი ქარი და წვიმა. მაღალმთიან რაიონებში შესაძლებელია თოვლი და ქარბუქი.

დღეს, 23 აპრილს, საფრანგეთში დღეს რიგით მე-11 საპრეზიდენტო არჩევნები იმართება. ფრანგები მომავალ ლიდერს 11 კანდიდატს შორის აირჩევენ. საფრანგეთში გამკაცრებულია უსაფრთხოების რეჟიმი.

მართლმადიდებელი ეკლესია დღეს კვირაცხოვლობას აღნიშნავს. კვირაცხოვლობა აღდგომის დღესასწაულის განახლებაა. ამ დღიდან მოყოლებული ყოველი კვირა დღე აღდგომის დღესასწაულია, ამიტომაც მორწმუნეები კვირაობით ეკლესიაში სადღესასწაულო წირვაზე იკრიბებიან.