20.02.2018 - ადიგენში, სადაც 55 სოფელში ერთ დროს, 64 ბიბლიოთეკა მუშაობდა, ახლა მხოლოდ 6–ია მოქმედი – და ისიც, მხოლოდ ოთხ დასახლებულ პუნქტში – ორ სოფელში უდესა და არალში თითო–თითო, დაბა ადიგენსა და კურორტ აბასთუმანში კი – ორ–ორი. მერიას წელს რომელიმე გამოკეტილი ბიბლიოთეკის განახლების გეგმა არ აქვს.
12.02.2018 - სოფელ თორიაში 120 ოჯახი ცხოვრობს. მოსახლეობა აქ 1828-1830 წლებში, თურქეთის პროვინციიდან გადმოასახლეს. ადგილობროვები ამბობენ, რომ მიგრაცია ხშირია, რადგან სოფელში არ არის მოწესრიგებული სავალი გზები, სამუშაო ადგილები, ხოლო სასოფლო–სამეურნეო პროდუქტებზე, რომლებსაც მოსახლეობა აწარმოებს, ფასი დაბალია.
11.02.2018 - დღეს, 11 თებერვალს ვალეში ქართული ხალხული იმპროვიზაციული წარმოდგენა „ბერიკაობა“ გაიმართა.
05.02.2018 - ახალციხის სოფელი მიქელწმინდა 22 სომხური და 3 ბერძნული ოჯახით არის დასახლებული. ბერძნები აქ 1824 წელს, თურქეთიდან გადმოუსახლებიათ. ორი სხვადასხვა ეროვნების წარმომადგენლები უკვე წლებია კეთილმეზობლურად ცხოვრობენ. მათი ყოველდღიურობა – მოისმინეთ თიკო ზაზაძის რეპორტაჟიდან.
28.12.2017 - ჰალვა მესხური ტკბილეულია, რომელსაც ძველად მესხეთში, ახალ წელს ამზადებდნენ. ჩვენი მასპინძელი ევა მაისურაძე, გვიხსნის, რომ მაშინ იმდენი ტკბილეული, ახლა რომ იყიდება, არ იშოვებოდა და ამიტომაც იყო, რომ ჰალვა ყველა ოჯახში ჰქონდათ.
26.12.2017 - ერთ–ერთი კერძი, რომელიც მესხეთის სოფლებში, ახალ წელს აუცილებლად მზადდებოდა, ბატის ჩაშუშულია – ბატის გამხმარი ხორცისგან მომზადებული ხინკალი. ძველი ტრადიცია, სპეციალურად "სამხრეთის კარიბჭესთვის", სოფელ ხიზაბავრაში, მექოშვილებმა გააცოცხლეს.
23.10.2017 - სოფელ გორელოვკაში უკვე ორი საუკუნეა დუხობორები ცხოვრობენ. აქ ისინი ნიკოლოზ პირველმა ჩამოასახლა. თუმცა დუხობორთა დიდმა ნაწილმა გორელოვკა საბჭოთა კავშირის დაშლის შემდეგ დატოვა. ამ ეტაპზე სოფელში სომხებს, ქართველებსა და დუხობორებს შეხვდებით.
17.10.2017 - სოფელი პატარა კონდურა 1829 წელს, ერზრუმიდან გადმოსახლებული მოსახლეობით დასახლდა. თუმცა ტერიტორიაზე არსებული ისტორიული ძეგლები მიუთითებს, რომ აქ მოსახლეობა ადრეც ცხოვრობდა.
13.10.2017 - ნინოწმინდის სოფელ ყაურმაში 65 ოჯახი ცხოვრობს. აქ მოსახლეობის მიგრაცია ხშირია. მისი ძირითადი მიზეზი, სავარგულებისა და საძოვრების არქონაა. სოფლის ყველაზე დიდი პრობლემას სასმელი წყლის ქსელი წარმოადგენს, რომელიც ძველია და ხშირად მწყობრიდან გამოდის.
06.10.2017 - მინაძეს წელს "გამოზამთრების" ეშინია. სოფელში გაზაფხულის ყივებისა და ზაფხულის გვალვების გამო, ცუდი მოსავალი მიიღეს. ადგილობრვები ამბობენ, რომ ბოლო პერიოდში მათ სასიკეთოდ არაფერი შეცვლილა. დასახლებაში ისევ ის მოუგვარებელი პრობლემებია, რაც ბოლო რამდენიმე ათეული წელია აწუხებთ.
03.10.2017 - ჭაჭარაქი სომხური სოფელია, რომელიც ახალციხესთან ახლოს, ხუთ კილომეტრში მდებარეობს. ადგილობრივები ამბობენ, რომ მიუხედავად ქალაქთან სიახლოვისა პრობლემები ისე აწუხებთ, როგორც დანარჩენ სოფელში. მოსახლეობა საკანალზაციო სისტემისა და სარწყავი წყლის სიმცირის შესახებ ჩივის.
02.10.2017 - სოფელი ფარავანი 1840-1845 წლებში დასახლდა. აქ ძირითადად რუსეთიდან გადმოსახლებული დუხობორები ცხოვრობდნენ. შედარებით გვიან სოფელში სომეხი ეროვნების ოჯახებიც შეემატნენ. სოფელი საქართველოში არსებულ ყველაზე დიდი ტბის პირას, ზღვის დონიდან 2000 მეტრზე მდებარეობს.
25.09.2017 - ნინოწმინდის სოფელ პატარა ხორენიაში მოსახლეობა 1828-1830 წლებში დასახლდა. ამჟამად, აქ 20 ოჯახი ცხოვრობს. სოფელში საყოფაცხოვრებო პირობების გაუმჯობესებაზე ჩივიან. მათი ძირითადი პრობლემები – ღამის განათება, სპორტული დარბაზი, საბავშვო ბაღი და სასმელი წყლის გაყვანილობაა, რომელიც რეაბილიტაციას საჭიროებს.
22.09.2017 - რუბრიკაში "ხმა სოფლიდან" ამჯერად პატარა წირაზე მოგიყვებით, აქ მოსახლეობა საცხოვრებლად სოფელ წირიდან დაახლოებით 50 წლის წინ ჩამოვიდა, დასახლებაში ცხრა ოჯახი ცხოვრობს.
19.09.2017 - ნინოწმინდის სოფელი განძა 1830 წელს დასახლდა. აქ თურეთიდან, კერძოდ – ერზრუმიდან გადმოსახლებული მოსახლეობა ცხოვრობს. განძა, მუნიციპალიტეტში ყველაზე დიდი სოფელია, როგორც მოსახლეობის რაოდენობით, ასევე ფართობის მიხედვით.
18.09.2017 - ლუკერია პაპოვა დუხობორია. იგი ქალაქ ნინოწმინდაში მარტო ცხოვრობს, ნათესავების გარეშე. ამბობს, რომ გულის პრობლემები აწუხებს. პენსია კი, მხოლოდ წამლებზე და ელეტროენერგიის გადასახადზე ყოფნის.
05.09.2017 - ტატანისი ახალციხის თემის სოფელია. იგი ყოველწლიურად მცხოვრებლებისგან იცლება. დაკეტილი სახლები და კარზე დადებული ბოქლომები აქ უკვე აღარავის უკვირს. ამის მიზეზად ადგილობრივები უმუშევრობასა და უგზოობას ასახელებენ. ამბობენ, რომ ახალგაზრდებს სოფელში დარჩენა არ უნდათ.
04.09.2017 - ნინოწმინდელი მხატვრის ამაიაკ გრიგორიანის ცხოვრება შემოქმედებითი და ამავე დროს ძალიან რთულია. იგი 600 ნახატისა და ხუთი წიგნის ავტორია. გარდა ამისა, მუშაობს კიდევ ექვს ახალ წიგნზე, რომელიც გამოსაცემად უკვე გამზადებული აქვს.
01.09.2017 - ახალქალაქის პლატოზე გაშლილი უძველესი და ულამაზესი სოფელი, დანგრევის პირას მყოფი მიწური სახლები და ადგილობრივების ერთი დღე – დასახლება, სადაც მხოლოდ 12–მდე ოჯახი ცხოვრობს. ნახეთ თიკო ზაზაძის რეპორტაჟი სოფელ თოკიდან.
29.08.2017 - სოფელი გონდურა ქალაქ ნინოწმინდიდან 15 კილომეტრში მდებარეობს. აქ დაახლოებით 250 ოჯახი ცხოვრობს. აქაურები მოუწესრიგებელი გზისა და სარწყავი სისტემის გამო ჩივიან.