30.04.2019 - როდის უნდა გავპარსოთ ცხვარი, რა სახის საკვები სჭირდება მას და როგორ ავაცილოთ ცხოველს მავნე დაავადებები - გადაცემა „მეურნეში“ ფერმერი გიორგი გელაშვილი მეცხვარეობის შესახებ საუბრობს. იგი 17 წელია ცხვარს უვლის და ახლა ფერმაში 600 სული ცხვარი ჰყავს.
21.03.2019 - გაზაფხულზე კოღოების, ბუზებისა და დაავადების გადამტანი სხვა მწერების გააქტიურება ნოდულარული დერმატიტის გავრცელების საფრთხეს ქმნის. როგორია დაავადების კლინიკური ნიშნები და გადამდებია თუ არა ის ადამიანებზე. მოისმინეთ რჩევები სოფლის მეურნეობის სამინისტროს სამცხე–ჯავახეთის რეგიონული სამმართველოს ვეტერინარის, მერაბ ნასყიდაშვილისგან.
25.02.2019 - ფერმერ ვაჟა ძირკვაძის ფერმაში მხოლოდ ჰოლშტეინის ჯიშის, მაღალპროდუქტიული საქონელია. ზამთრის სეზონზე ხუთ ძროხას წველის და ყოველდღიურად ოთხომოც ლიტრამდე რძეს იღებს. ცხოველები გაძლიერებულ კვებაზე ჰყავს, თუმცა ამბობს, რომ სარგებელთან შედარებით დანაკარგი მინიმალურია.
01.02.2019 - რა ხდება მაშინ, როცა მეფუტკრეები დაავადების პროფილაქტიკისთვის ანტიბიოტიკებს იყენებენ, არსებობს თუ არა გამოსავალი ანტიბიოტიკებისგან თავის ასარიდებლად და როგორია ევროპული ქვეყნების გამოცდილება – გადაცემა „მეურნეში“ სასარგებლო რჩევებს ავგრო–კონსულტანტი და მეფუტკრე ზურაბ სადათიერაშვილი მოგვცემს.
13.12.2018 - ცხოველების სწორად გამოკვება, დაავადებების თავიდან ასაცილებლად და მაღალპროდუქტიულობისთვის მნიშვნელოვანი წინაპირობაა. რა სახის საკვები უნდა მივაწოდოთ საქონელს შემოდგომა–ზამთრის პერიოდში და როგორ შევუდგინოთ დღიური ულუფა – მოისმინეთ პირუტყვის კვების ტექნოლოგის მარიამ ხაჭაპურაძის რჩევები.
14.11.2018 - ახალციხის მუნიციპალიტეტში სტაფილოს შესანახი საწყობები არ არსებობს, თუმცა თუ მოსავალს გარკვეული პირობების გათვალისწინებით შევინახავთ, ზამთარში არ დაზიანდება. რა უნდა ვიცოდეთ ბოსტნეულის შენახვისას, სახლისა და საწყობის პირობებში – მოისმინეთ სოფლის მეურნეობის სპეციალისტის, პავლე გიქოშვილის რჩევები.
26.10.2018 - სპეციალისტების განმარტებით, სამცხე–ჯავახეთში აზიური ფაროსანას ერთეული შემთხვევები ფიქსირდება, თუმცა მოსახლეობა ხშირად შეცდომაში შედის და იგი ამავე სახეობის სხვა მავნებელში ეშლება. როგორ უნდა დავიცვათ სასოფლო–სამეურნეო სავარგულები ფაროსანასგან და რითი განსხვავდება იგი სხვა მწერებისგან, რჩევებს სპეციალისტი აგრონომიულ საკითხებში, ლია თედორაძე მოგვცემს.
10.10.2018 - რა ფაქტორები მოქმედებს რძის ხარისხობრივ მაჩვენებელზე, როგორ უნდა დაიცვას ფერმერმა ჰიგიენური ნორმები ძროხის წველისას და რა პირობებში უნდა შევინახოთ რძე – საინტერესო რჩევებს, გადაცემა „მეურნეში“ რძისა და რძის პროდუქტების წარმოების ტექნოლოგ–კონსულტანტი, ჯამბულ ხმალაძე მოგცემთ.
26.09.2018 - ახალციხის ციხის ტერიტორიაზე, 2013 წელს გამწვანების სპეციალისტმა რეზო გიქოშვილმა საკუთარი ინიციატივით 11 ჯიშის ვაზი დარგო. მათი ნაწილი ევროპული, ნაწილი კი მესხური სახეობაა. როგორ უვლიან ვაზს ისტორიულ კომპლექსში, ნახეთ გადაცემაში „მეურნე“.
12.09.2018 - კამეჩების ერთადერთი ფერმა, რომელიც სამცხე–ჯავახეთშია, "ლაბა პროდუქტის" ხელმძღვანელს, მამუკა ნასიძეს ეკუთვნის. ეს საქმე მან ერთი წლის წინ დაიწყო და ახლა უკვე 45 მეწველი კამეჩი ჰყავს. ამბობს, რომ ცხოველი სპეციფიკურია და მაღალი პროდუქტიულობით გამოირჩევა.
27.06.2018 - ფერმერი ემზარ გაჩეჩილაძე ვაზის მესხურ ჯიშებს აგროვებს. საკუთარ ეზოში იგი უკვე ოცდახუთამედე უძველეს სახეობას უვლის. რა თვისებებით გამოირჩევა ვაზის ადგილობრივი ჯიშები და როგორია მისი მოვლის თავისებურება, ნახეთ გადაცემაში „მეურნე“.
07.06.2018 - მარწყვი დამწიფებას მაისიდან იწყებს. ნაყოფის კრეფის პროცესში აუცილებელია რიგი თავისებურებების გათვალისწინება. როდის და როგორ დავკრიფოთ მარწყვი – გადაცემა "მეურნეში" რჩევებს ფერმერ ირმა მაღრაძისგან მიიღებთ.
28.05.2018 - ფერმერ ემზარ გაჩეჩილაძეს, სოფელ ზიკილიაში, ვაშლის ნამყენი ნერგები გამოჰყავს. მის მეურნეობაში, ვაშლის 25 სახეობის ნერგი სპეციალურად შერჩეულ საძირეზე, კალმითა და კვირტით არის დამყნობილი. თითოეული მათგანის თავისებურებების შესახებ მოისმინეთ – გადაცემაში "მეურნე".
03.05.2018 - ფუტკრის ოჯახის სიძლიერეს დედა ფუტკარი განსაზღვრავს, ამიტომ გაზაფხულზე მეფუტკრეები ცდილობენ სკაში სუსტი, ხნიერი, ან დაავადებული დედები ძლიერით ჩაანაცვლონ. გადაცემა „მეურნეში“ მოისმინეთ რჩევები მეფუტკრე ზაზა ივანიძისგან.
18.04.2018 - პაატა კაველიძე მაყვალს უკვე თხუთმეტი წელია უვლის. ამბობს, რომ ამერიკული ჯიშის ნერგები სამცხე–ჯავახეთში კარგად ხარობს და მაყვლის მოვლაც შრომატევადი საქმე არ არის. კენკროვანი მცენარის მოყვანის თავისებურებების შესახებ, ნახეთ რჩევები გადაცემაში "მეურნე".
22.03.2018 - ფერმერ მკრტიჩ მოვსესიანს, სოფელ სხვილისში, შვიდ მეასედზე 12 განსხვავებული სახეობის ვაშლის ნარგავები აქვს გაშენებული. ფერმერი შემოდგომით სამ ტონა ვაშლს მიიღებს. როგორ მოვუაროთ ბაღს გაზაფხულზე, მოისმინეთ მკრტიჩ მოვსესიანის რჩევები.
16.03.2018 - ცხოველთა დაავადება ემკარი ყველაზე ხშირად გაზაფხულზე ვრცელდება. დაავადებით ახალციხის სოფლებში რამდენიმე სული მოზარდი უკვე დაეცა. გადაცემაში „მეურნე“, ვეტერინარი მერაბ ნასყიდაშვილი გთავაზობთ რჩევებს ემკარის პროფილაქტიკისა და ვაქცინაციის შესახებ.
18.01.2018 - ზამთარი ფუტკრისთვის პასიური პერიოდია. კლიმატური პირობების შესაბამისად, მას განსხვავებული მოვლა სჭირდება. რა არის საჭირო იმისათვის, რომ ფუტკრის ოჯახებმა კარგად გამოიზამთრონ, რა შემთხვევაში უნდა მივცეთ მათ დამატებითი საკვები და რამდენად რეკომენდებულია ზამთარში სკების შეფუთვა, გადაცემაში „მეურნე“ მოისმინეთ რჩევები მეფუტკრე გიორგი მერაბიშვილისგან.
06.12.2017 - რა უნდა გავაკეთოთ იმისათვის, რომ შემოდგომა – ზამთრის პერიოდში კარტოფილი ხარისხიანად შევინახოთ. რა შემთხვევაში იწყებს მოსავალი დალპობას და როგორ ავიცილოთ თავიდან კარტოფილის სხვადასხვა დაავადება – გადაცემაში „მეურნე“, მოისმინეთ აგრო რჩევები, სასოფლო–საკონსულტაციო სამსახურის დირექტორის, გურამ ჯინჭველაძისგან.
10.11.2017 - ნოემბერში, ფერმერები ბროკოლის საგვიანო მოსავალს იღებენ. მისი თავები გვერდით ყლორტებზე ვითარდება და პირველ მოსავალისგან არც სარგებლიანობითა და არც გემოვნური თვისებებით განსხვავდება. როგორ მოვუაროთ ბროკოლს, როდის ავიღოთ საგვიანო მოსავალი და რა პირობებში შევინახოთ – მოისმინეთ რჩევები გადაცემაში "მეურნე".