სამცხე–ჯავახეთში სასწრაფო დახმარების ექიმები გადამზადდებიან

სასწავლო კურსის მიზანს, ტრამვული პაციენტების სწორი სტაბილიზაცია და შემდგომი მოვლა წარმოადგენს.

როგორც, ჯანდაცვის სამინისტროში ამბობენ, აღნიშნული ერთ–ერთი ყველაზე უფრო პრინციპული მიმართულებაა.

სასწავლო კურსი თეორიული და პრაქტიკული ნაწილისგან შედგება. მულაჟის გამოყენებით, ნაჩვენები იქნება სხვადასხვა მანიპულაცია. პრაქტიკულ მეცადინეობებში ექიმები ტრენერებთან ერთად ჩაერთვებიან.

„სასწრაფო სამედიცინო დახმარება სპეციფიური დარგია და პერსონალს სპეციფიური მომზადება სჭირდება“, –აღნიშნა საქართველოს შრომის ჯანმრთელობისა და სოციალური დაცვის მინისტრმა დავით სერგეენკომ, რომელიც დღეს სასწავლო ცენტრში იმყოფებოდა.


რეგიონული სასწრაფო სამედიცინო დახმარების ცენტრი, ეროვნული სასწავლო ცენტრის ბაზაზე, მთელი საქართველოს მასშტაბით, წლის ბოლომდე 850 ექიმსა და 850 ექთანს გადაამზადებს.

მედპერსონალი სასწავლო კურსებს, განახლებულ სასწავლო ცენტრში გაივლის.

[ლუბა გიორგაძე, ახალციხე]