ახალციხის რვა ქუჩაზე გზა წესრიგდება

სამუშოები ყაზბეგის, ათონელის, ხმალაძის, წმ. ანდრია პირველწოდებულის, მებაღიშვილის, ივანე ახალციხელის, გორისა და ერევნის ქუჩებზე მიმდინარეობს.

აღნიშნული სამუშაოები დღეს სამცხე-ჯავახეთის გუბერნატორმა აკაკი მაჭუტაძემ ახალციხის მერიის წარმომადგენლებთან ერთად დაათვალიერა.

სამხარეო ადმინისტრაციის ინფორმაციით, ამ ქუჩებზე წლების განმავლობაში ამორტიზებული და მწყობრიდან გამოსული საგზაო ინფრასტრუქტურა მთლიანად განახლდება, მოეწყობა სანიაღვრე ქსელი და დაიგება ასფალტ-ბეტონის საფარი.

ჯამში, ქალაქის მასშტაბით 5,5 კმ. სიგრძის საავტომობილო გზას ჩაუტარდება რეაბილიტაცია, რასაც რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით 1 848 258 ლარი მოხმარდება.



[sknews.ge]