სოფლის რელიქვიად ქცეული წმინდა წიგნი, 11 საუკუნის ისტორიით [Video]

„ჰოვანეს ავეტარა“ - ასე ჰქვია წიგნს, რომელიც 23 წელია, სოფელ წყრუთში, საპონჯიანების ოჯახში ინახება. წიგნი, სოფლის რელიქვიაა. ადგილობრივები მის მუზეუმისთვის გადაცემას არ თანხმდებიან.



„ჰოვანეს ავეტარა“ მეათე საუკუნეში, 974 წელს, საეკლესიო პირს, ვინმე ჰოვანესს დაუწერია. აქედან მოდის მისი სახელწოდებაც. ძველი სომხური დამწერლობის გამო, წიგნის შინაარსი სოფელში არავინ იცის. თუმცა, მასში გამოყენებული ილუსტრაციებისა და ყდის საფუძველზე, ფიქრობენ, რომ „ჰოვანეს ავეტარა“ ქრისტეს ცხოვრებას მოგვითხრობს.

სოფელში ყვებიან, რომ „ჰოვანეს ავეტარა“ 1828 წელს, ერზრუმიდან საქართველოში ჩუმად ჩამოუტანიათ. ამ პერიოდიდან 90–იანი წლების დასასრულამდე წიგნი ოჯახიდან ოჯახში გადადიოდა, რომ მისი ადგილსამყოფელისთვის არავის მიეკვლია. ახალციხის სომხური სამოციქულო ეკლესიების წინამღვარი აკოფ სააკიანი ამბობს, რომ „ჰოვანეს ავეტარა“ სომხური ეკლესიისთვის რწმენის სიმბოლოა.





[ლუბა გიორგაძე, ოთარ აწყურელი, ახალციხე]