ხელოვანი, რომელიც ობობას ქსელებითა და მცენარეებით ხატავს [Photo]

მცენარის ფოთლებით შექმნილი პატარა ნამუშევარი პირველად 5 წლის ასაკში გააკეთა და მისთვის ძალიან მნიშვნელოვან ადამიანს მიუძღვნა. მას შემდეგ მუშაობის ტექნიკაც დახვეწა და ფოთლებისთვის ბუნებრივი ფერების შესანარჩუნებლად უკვე საკუთარი მეთოდიც აქვს.



ირმას ნამუშევრებში ყოველი მცენარის ფერი ბუნებრივია. ფოთლები ქიმიური საღებავით არ იღებება. ამბობს, რომ ნამუშევრის მთავრი ღირებულებაც სწორედ ეს არის- მცენარეებს წლების განმავლობაში ფერი შენარჩუნებული აქვთ.



ნამუშევრის მცირე კომპონენტის კი წინასწარ შერჩეულია. ყოველ ფოთოლს აქ თავისი დანიშნულება აქვს.



დაახლოებით 23 წელია ირმა ხელოვნების ნიმუშებს ქმნის. მათი უმრავლესობა ახლა მეგობრების საკუთრებაა, რადგან ავტორის თითქმის ყველა პეიზაჟი გაჩუქებულია.



კიდევ ერთი იშვიათი მიმართულება, სადაც ირმამ საკუთარი ნიჭი წარმატებით გამოიყენა - ობობას ქსელებით ხატვაა. თუმცა ამ კუთხით მუშაობამ მის ჯანმრთელობაზე უარყოფითად იმოქმედა.



ობობას ქსელებით მოხატული ბოლო ნამუშევარი, ირმა მერაბიშვილმა საქართველოს პატრიარქს, ილია მეორეს მიუძღვნა. მხსნელის დაბადების ეროვნულ იდეაზე ავტორმა მხოლოდ ერთი კვირა იმუშავა. ახლა იგი უდის მამათა მონასტრის სატრაპეზოს კედელზეა განთავსებული.

თვითნასწავლი ხელოვანი, პროფესიით ჟურნალისტია. ამჯამად სამცხე-ჯავახეთის სამხარეო გუბერნიაში კულტურის მიმართულებით მუშაობს. პარალელურად, კი ფოლკლორის ეროვნული ფესტივალისთვის ნამუშევრებს ქმნის. მის პეიზაჟებს ფართო აუდიტორია უკვე ფესტივალის ფინალურ ტურში ნახავს.


იხილეთ სიუჟეტი ახალგაზრდა ხელოვანის შესახებ

[თაკო ფეიქრიშვილი, ოთარ აწყურელი, ახალციხე]