2017 წლის პირველი იანვრიდან მოგების გადასახადის რეფორმა ამოქმედდება

ფინანსთა მინისტრის ნოდარ ხადურის განცხადებით, ბიზნესთან კონსულტაციით მიღებულ იქნა საგადასახადო კანონმდებლობაში შესატანი ცვლილებების პროექტის საბოლოო ვერსია, რომელიც პარლამენტში გადაიგზავნება. ფინანსთა მინისტრმა სთხოვა საკანონმდებლო ორგანოს, კანონპროექტი მაქსიმალურად დაჩქარებულ ვადებში განიხილონ.

ფინანსთა სამინისტროს ინფორმაციით, კანონპროექტით დაგეგმილი ცვლილებები სამ ეტაპად ამოქმედდება.

• პირველ ეტაპზე ეს შეეხება დამატებული ღირებულების გადასახადს - ძირითადი საშუალებების იმპორტის დროს, დამატებული ღირებულების გადასახადის გადახდა საჭირო აღარ იქნება, რაც ასევე გულისხმობს ადმინისტრირების გამარტივებას. აღნიშნული ცვლილება კანონპროექტის მიღებისთანავე ამოქმედდება.

• მეორე ეტაპზე მოხდება მოგების გადასახადის ჩანაცვლება განაწილებული მოგების გადასახადით, რომელიც 2017 წლის 1-ელ იანვარს ამოქმედდება.

• მესამე ეტაპი შეეხება საფინანსო სექტორს, რომელზეც კანონპროექტის გავრცელება 2019 წლის 1-ლი იანვრიდან მოხდება.

[sknews.ge]