DCFTA-ს ფარგლებში, მცირე და საშუალო ბიზნესი შეღავათიან სესხსა და გრანტს მიიღებს

ევროკავშირთან ღრმა და ყოვლისმომცველი თავისუფალი ვაჭრობის შეთანხმების (DCFTA)-ის ხელშეწყობის ახალი პროგრამის განხილვა


საქართველოს ეკონომიკის სამინისტროს ინფორმაციით, მიმდინარე წლის მარტის ბოლომდე ევროკავშირსა და ევროპის რეკონსტრუქციისა და განვითარების ბანკს შორის ხელი მოეწერება DCFTA-ის ხელშეწყობის ახალ პროგრამას, რომელიც მცირე და საშუალო მეწარმეებს ფინანსებზე ხელმისაწვდომობისა და ლარში დაბალპროცენტიანი სესხის აღების მიმართულებით დაეხმარება.

სესხის მაქსიმალური თანხა, რომელიც მცირე და საშუალო კომპანიებმა შეიძლება მიიღონ, 3 მლნ ევრო იქნება.

სამინისტროს ინფორმაციით, პროგრამა ასევე მოიცავს საგრანტო კომპონენტს 15 პროცენტს, რომელიც მთლიანი სესხზე დამატებით გაიცემა. აღნიშნული საგრანტო კომპონენტი საქართველოსთვის, უკრაინასა და მოლდოვასთვის 56 მილიონ ევროს შეადგენს.

"DCFTA-ის ხელშეწყობის პროგრამა საშუალებას მისცემს მცირე და საშუალო მეწარმეს აღნიშნული სესხის და გრანტის მეშვეობით მოახდინოს ადაპტაცია DCFTA-ის მოთხოვნებთან და შესაბამისად განავითაროს როგორც ადგილობრივ ბაზარზე, ისე ექსპორტზე ორიენტირებული წარმოება", – აცხადებენ ეკონომიკის სამინისტროში.

მცირე და საშუალო ბიზნესი შეღავათიან სესხს მიიღებს ადგილობრივი კომერციული ბანკების მეშვეობით. მათთან ევროპის რეკონსტრუქციისა და განვითარების ბანკი თანამშრომლობის შეთანხმებას გააფორმებს. რაც შეეხება საგრანტო კომპონენტს, მას კერძო სექტორი უშუალოდ ევროპის რეკონსტრუქციისა და განვითარების ბანკისგან მიიღებს.

[sknews.ge]