ეთნიკური უმცირესობებისთვის განათლების პოლიტიკის დოკუმენტი ამოქმედდა

საქართველოს განათალებისა და მეცნიერების სამინისტროს ინფორმაციით, ეთნიკური უმცირესობების უწყვეტი და ხარისხიანი განათლების ხელმისაწვდომობა და მათი ენობრივ კულტურული იდენტობის დაცვა ერთ–ერთი პრიორიტეტია.

ამიტომ განათლების სამინისტრომ ადგილობრივი და საერთაშორისო ექსპერტების ჩართულობით, ეთნიკური უმცირესობების განათლების პოლიტიკის დოკუმენტი შეიმუშავა. განათლების პოლიტიკა ეხება როგორც სკოლამდელ, ისე სასკოლო, პროფესიულ და უმაღლეს განათლებას, ასევე, პედაგოგური კადრებით უზრუნველყოფას.

„განათლება არის მთავარი გასაღები ახალგაზრდა თაობისთვის და შესაბამისად მნიშვნელოვანია ვიმსჯელოთ ამ კონტექსტში ეთნიკური უმცირესობების ინტეგრაციაზეც. სამინისტროსთან ერთად შევიმუშავეთ განათლების პოლიტიკის დოკუმენტი, რომელიც ინტეგრაციის სტრატეგიას ეხება და ვიმედოვნებთ, რომ ჩამოვაყალიბებთ ყველა ელემენტს თუ დეტალს, როგორ უნდა განხორციელდეს სტრატეგიის დოკუმენტი“, – ამბობს უმცირესობის საკითხთა ეროვნული ცენტრის „კავკასია“ რეგიონული დირექტორი.

[sknews.ge]