მესხური სიმღერები ფოლკლორული ანსამბლების შესახებ გამოცემისთვის შეარჩიეს

ახალ პროექტს სახელწოდებით „ქართული ხალხური შემოქმედება დღეს“, ფოლკლორის ეროვნული ფონდი ახორციელებს.

ამ პროექტის ფარგლებში გამოიცემა ორენოვანი (ქართულ-ინგლისური) წიგნი საქართველოში არსებული ფოლკლორული ანსამბლების შესახებ.
წიგნს თან დაერთვის DVD, სადაც შევა ორი სიმღერა ან ქორეოგრაფიული ნიმუში თითოეული ანსამბლის შესრულებით. პროექტი ხორციელდება საპრეზიდენტო პროგრამის ფარგლებში.

სპეციალური კომისიის გადაწყვეტილებით პროექტში მონაწილეობისათვის შეირჩა ქალაქ ახალციხის ანსამბლი „მესხეთი“. 2015 წლის 4 დეკემბერს ფონდის წარმომადგენლები სტუმრობდნენ ანსამბლ „მესხეთს“ და მათგან ჩაწერეს 3 მესხური სიმღერა: „მრავალჟამიერი“, „ძმანო“ და „ავთანდილ გადინადირა“.

[ნინო ნარიმანიშვილი, ახალციხე]