ოჯახი, სკოლის ნაცვლად [ინფოგრაფიკა]

ეს არის სტატისტიკა, რომელიც "სამხრეთის კარიბჭეს" განათლების სამინისტრომ მიაწოდა. ინფორმაცია ეხება იმ გოგონებს,რომელთაც სკოლა საბაზო საფეხურის (9 კლასის) დამთავრებამდე მიატოვეს.

"საქართვლოში ქორწინების ასაკი 18 წლიდან იწყება. საბაზო საფეხურზე მოსწავლე უკვე ფლობს ინფორმაციას ჯანსაღი ცხოვრების წესზე, მავნე ჩვევებზე (მაგალითად, მოწევასთან დაკავშირებული საკითხებზე) თუ ინფექციურ დაავადებებზე (მაგ. შიდსი, ტუბერკულოზი). რაც შეეხება რეპროდუქციული ჯანმრთელობის თემებს, VIII კლასის სასწავლო პროგრამა ითვალისწინებს სქესობრივი გზით გადამდები დაავადებების შესახებ ინფორმაციის მიღებას და რისკების გაცნობიერებას", – ვკითხულობთ განათლების სამინისტროდან მიღებულ წერილში.

შეგახსენებთ, 25 ნოემბერს საქართველოს არაერთ ქალაქში მშიდობიანი აქციებით გოგონათა ადრეული ქორწინება გააპროტესტეს. საინფორმაციო კამპანია ქალთა მოძრაობის ინიციატივით დაიგეგმა. "ნუ გაათხოვებ! ადრეული ქორწინება გოგონებზე ძალადობაა!" – ასეთი იყო კამპანიის გზავნილი.

დღეს, 26 ნოემბერს, საქართველოს პარლამენტმა პირველი მოსმენით მიიღო კანონი საქორწინო ასაკის შეზღუდვის შესახებ. ცვლილების თანახმად, 16 წელს მიღწეული არასრულწლოვანი პირის ქორწინება დაიშვება მხოლოდ სასამართლოს თანხმობით და ისეთი მიზეზის არსებობისას, როგორსაც წარმოადგენს ორსულობა და ბავშვის დაბადება.

[ნინო ნარიმანიშვილი, ახალციხე]