ახალციხეს ინფრასტრუქტურის სამინისტრომ ოთხი პროექტი უკვე დაუფინანსა

ჯამში ამ პროექტებისთვის 1 433 010 ლარი დაიხარჯება.

ქალაქ ახალციხეში გოგებაშვილისა და ყაზბეგის ქუჩებზე ასფალტ–ბეტონის დაგებისთვის, სანიაღვრე არხებისა და კოლექტორების მოწყობისთვის 268 800 ლარი დაიხარჯება.

ასევე, ახალციხეში გურამიშვილის, ათონელისა და ხმალაძის ქუჩებზე დაიგება ასფალტი და მოეწყობა სანიაღვრე არხები. აღნიშნული სამუშაოებისთვის 389 540 ლარია გათვალისწინებული.

რაც შეეხება მებაღიშვილის, ანდრია პირველწოდებულისა და თაყაიშვილის ქუჩებს, მათი რეაბილიტაციისთვის 374 880 ლარი დაიხარჯება.

ივანე ახალციხელის ქუჩაზე ასფალტის დაგებისთვის, სანიაღვრე არხებისა და კოლექტორის მოსაწყობად კი 399 790 ლარია გათვალისწინებული.

ახალციხის მერიაში განმარტავენ, რომ გორის, ქუთაისისა და ერევნის ქუჩების რეაბილიტაციის პროექტზე ინფრასტრუქტურის სამინისტროსგან პასუხს ელოდებიან. აღნიშნული პროექტის ღირებულება 333 520 ლარს შეადგენს.

[თამარ თოთაძე, ახალციხე]