დავით ბაქრაძემ ახალციხეში მაჟორიტარი კანდიდატი წარადგინა

2008 წლიდან დღემდე ვაჟა ჩიტაშვილი სამცხე-ჯავახეთის საოლქო პროკურორი იყო.

”რაც უფრო მეტი ოჯახი იცხოვრებს უკეთესად, მით უფრო ძლიერი და გამარჯვებული იქნება ჩვენი ქვეყანა. ამიტომ, ყველას დიდი მადლობა ერთად დგომისთვის, ერთად შორმისთვის და ერთად საქმის გაკეთებისთვის, რომელიც წლებია გრძელდება. დარწმუნებული ვარ, რომ ერთად დიდხანს შევძლებთ ჩვენი ქვეყნისთვის სიკეთის გაკეთებას”, - მიმართა დავით ბაქრაძემ ქალაქის ცენტრში შეკრებილ მოქალაქეებს, რომელტა შორის არამხოლოდ ახალციხის მცხოვრებლები, მუნიციპალიტეტის სოფლებიდან ჩამოსულებიც იყვნენ.

პარლამენტის თავმჯდომარემ ახალციხეს აღმშენებლობისა და იმედის სიმბოლო უწოდა. მისივე განცხადებით, ახალციხე არის იმის სიმბოლოც, კიდევ რამდენი გაჭირვებაა დასაძლევი ქვეყანაში.

”თუ დავსვამთ კითხვას, არის თუ არა საქართველო იმაზე უკეთესი ვიდრე იყო 5-10 წლის წინ, მე დარწმუნებული ვარ, რომ აბსოლუტური უმრავლესობა გასცემს პასუხს, - დიახ! დღეს საქართველო არის უკეთესი ქვეყანა. მაგრამ თუ დავსვამთ მეორე კითხვას, არის თუ არა საქართველო ის ქვეყანა, რომელიც გვინდა და როგორიც გვინდა რომ იყოს, მე ვიქნები პირველი, ვინც იტყვის,- არა, ჯერ არა. იმიტომ, რომ ძალიან ბევრი გვაქვს ჯერ გასაკეთებელი”, - განაცხადა ბაქრაძემ.

ვაჟა ჩიტაშვილის განცხადებით, მუნიციპაიტეტის მთავარი პრობლემა უმშევრობაა, რაც ნელ-ნელა მოგვარებისკენ მიდის.

”წელს უფრო მეტი სამუშაო ადგილი გაჩნდა, ვიდრე იყო შარშან და შარშნწინ. მომავალ წელს კიდევ უფრო მეტი იქნება. შენდება ხორც-კომბინატი, ხილის გადამამაუშავებელი საწარმო, რაც დამატებით ადგილებს გააჩენს. მე ყველა ოჯახის პრობლემა ვიცი, ვიცი ყველა ოჯახში რამდენი ადამიანი ცხოვრობს და რამდენია აქედან დასაქმებული. ვიცი, ვის რა უჭირს, ვის რა ულხინს. აი, ეს არის ჩემი ძალა. ამ ძალით ვაპირებ, რომ ეს ოთხი წელიწადი, ჩემი არჩევის შემთხვევაში, გავატარო ისე, რომ ყველა პრობლემა, რომელიც დასმულია საქართველოს მთავრობის მიერ გადაჭრილი იქნას”, - განაცხადა ვაჟა ჩოტაშვილმა.


[ნინო ნარიმანიშვილი, ახალციხე]