დავით ბაქრაძე ახალციხესა და ნინოწმიდაში კანდიდატებს წარადგენს

უკვე ცნობილია, რომ მმართველი გუნდის მაჟორიტარი კანდიდატი ახალციხეში ვაჟა ჩიტაშვილი იქნება, რომელიც 2008 წლიდან დღემდე სამცხე-ჯავახეთის საოლქო პროკურორი იყო.

ვაჟა ჩიტაშვილს დამთავრებული აქვს სსრკ მოსკოვის მილიციის უმაღლესი სკოლის თბილისის ფილიალი, სამართალმცოდნეობის სპეციალობა. 1989 წლიდან დღემდე, გარდა 2008 წლის 10 თვისა, (იანვარი-ნოემბერი), იგი შსს სხვადასხვა განყოფილებებში სხვადასხვა თანამდებობზე მუშაობდა.

1989–92 წლებში მუშაობდა საქართვლოს შინაგან საქმეთა სამინისტროში ახალციხის რაიგანყოფილების უბნის ინსპეტქტორად.1992-94 წლებში საქართვლოს შინაგან საქმეთა სამინისტროს ახალციხის რაიგანყოფილების გამომძიებელი იყო. 1994-2004 წლებში საქართვლოს შინაგან საქმეთა სამინისტროს საგამოძიებო დეპარტამენტის ახალციხის რაიონის საგამოძიებო განყოფილების უფროსია.2004-2005 წლებში სამცხე-ჯავახეთის საოლქო პროკურატურაში პროკურორის მოადგილედ მუშაობს. 2005-დან 2008 წლამდე სამცხე-ჯავახეთის საოლქო პროკურატურაში
გამოძიების საპროცესო ხელმძღვანელობის განყოფილების უფროსია. 2008 წლის იანვრიდან ამავე წლის ნოემბრამდე ახალციხის მუნიციპალიტეტის გამგებელი იყო. 2008 წლიდან დღემდე კი სამცხე-ჯავახეთის საოლქო პროკურორი.

ახალციხის შემდეგ მაჟორიტარ კანდიდატს დავით ბაქრაძე ნინოწმინდაში წარადგენს.

"ერთიანი ნაციონალური მოძრაობის" კანდიდატი აქ მმართველი პარტიის ყოფილი მაჟორიტარი დეპუტატი, ნინოწმინდის მუნიციპალიტეტის სოფელ სათხას მკვიდრი ენზელ მკოიანი იქნება.

ენზელ მკოიანს დამთავრებული აქვს სომხეთის სომხეთის სასოფლო-სამეურნეო ინსტიტუტი სპეციალობით სოფლის მეურნეობის ეკონომიკა და ორგანიზაცია.

1976 -1977 წლებში ნინოწმინდის მოძრავ-მექანიზებული კოლონა N21 – მეორე თანრიგის მუშაა; 1977 წლის ნოემბერ-დეკემბერში ნინოემინდის ს/მ პროდუქტების დამზადების გაერთიანება – ტყავ-ნედლეულის საწყობის მუშად მუშაობს; 1978 - 1981 წლებში ნინოწმინდის სარემონტო სამშენებლო უბანზე წყალგაყვანილობის მუშაა; 1981-1983 წლებში საბჭოთა კავშირის შეიარაღებულ ძალებში მსახურობს; 1983 - 1984 წლებში ახალქალაქის მოძრავ-მექანიზებული კოლონა N21 – მესამე თანრიგის მუშაა; 1984 - 1990 წლებში ახალქალაქის რაიონული კომიტეტის განთავისუფლებული მდივანია; 1990 - 1995 წლებში ახალქალაქის სამშენებლო მასალების დამამზადებელ კოოპერატივში "სტროიტელი”, თავმჯდომარის მოადგილედ მუშობს; 1996 - 1999 წლებში მრავალდარგოვანი შეზღუდული პასუხისმგებლობის საზოგადოებაში "ენერგია”, დირექტორის მოადგილეა; 1999 - 2004 – საქართველოს პარლამენტის წევრია; 2004 – 2008 - საქართველოს მე–6 მოწვევის პარლამენტის წევრი; 2008 წლიდან საქართველოს მე–7 მოწვევის პარლამენტის წევრია.

[ნინო ნარიმანიშვილი, ახალციხე]