ახალციხეში საარჩევნო უბნები გაიხსნა

სიმონ ბალახაშვილი, პირველი ამომრჩეველი 28–ე უბანზე

N37–ე ახალციხის საარჩევნო ოლქის 28–ე საარჩევნო უბანზე პირველი ამომრჩეველი 7.00 საათიდან ელოდებოდა უბნის გახსნას.

"მე მჯერა ამ ხელისუფლების და იმედი მაქვს, რომ ყველაფერი უკეთესობისკენ შეიცვლება", – განაცხადა უბნის პირველმა ამომრჩეველმა სიმონ ბალახაშვილმა.

28–ე უბანზე ერთიან სიაში 1128 ამომრჩეველია რესგისტირებული, 8 ამომრჩეველია სპეც. სიაში და 13 გადასატანი ყუთის სიაში.
ამ უბანზე დააფიქსირებს არჩევანს ახალციხის მერობის სამი კანდიდატი: გელა დემეტრაძე – ბლოკ „ერთიანი ნაციონალური მოძრაობიდან“;
გოჩა ათოშვილი – „სალომე ზურაბიშვილი –საქართველოს გზიდან“ და გიორგი კოპაძე – ბლოკ „ქართული ოცნებიდან“.

პირველი ამომრჩეველი უკვე მივიდა ახალციხის 1–ელ უბანზეც. ოთარ მაჩიტაძე დარწმუნებულია, რომ არჩევნებში მისი ფავორიტი კანდიდატი გაიმარჯვებს.

"ახალციხეს სჭირდება, რომ არჩეული მერი ხალხის გვერდით იდგეს. იმსჯელოს რა სჯობია ხალხისთვის, მოაგვაროს პრობლემები. ბევრი გაჭირვებული ოჯახია, რომლებსაც გვერდში დგომა სჭირდებათ. ვინც არ უნდა მოვიდეს, ხალხს უნდა მიხედოს", – განაცხადა მაჩიტაძემ.

1–ელ უბანზე ერთიან სიაში 1239 ამომრჩეველია, გადასატანი ყუთის სიაში კი – 5. უბანზე მიიღეს 1150 ბიულეტენი.


ოთარ მაჩიტაძე, პირველი ამომრჩეველი 1–ელ უბანზე

[sknews.ge]