ახალციხეში პარტიების სოციალურ-ეკონომიკურ პროგრამებს განიხილავენ

დისკუსიის ფარგლებში ცენტრის წარმომადგენლები ადგილობრივ მოსახლეობას გააცნობენ „ქართული ოცნების“, „ერთიანი ნაციონალური მოძრაობის“, „არასაპარლამენტო ოპოზიციისა“ (კახა კუკავა, ფიქრია ჩიხრაძე) და „ბურჯანაძე - ერთიანი ოპოზიციის“ საარჩევნო პროგრამებს განათლების, დასაქმების, მაკროეკონომიკის, სოფლის მეურნეობის, სოციალური და ჯანდაცვის სფეროებში.

ხვალვე დაგეგმილია ვებ–გვერდის www.econpolicyfact.ge პრეზენტაცია. ვებ–გვერდი 2012 წლის საპარლამენტო არჩევნებიდან მოყოლებული გთავაზობთ პარტიების სოციალურ და ეკონომიკურ პლატფორმებს ქართულ, რუსულ, აზერბაიჯანულ, სომხურ და ინგლისურ ენებზე;
ვებ-გვერდი ამომრჩეველს საშუალებას აძლევს თვალი ადევნოს პოლიტიკური პარტიების პროგრამების ცვლილებას ბოლო სამი არჩევნების განმავლობაში.

დისკუსია გაიმართება პროექტის „ეთნიკური უმცირესობების მონაწილეობის გაძლიერება პოლიტიკური პარტიების წინასაარჩევნოსოციალურ-ეკონომიკური პროგრამების შეფასების პროცესში“ ფარგლებში. პროექტს ახორციელებს არასამთავრობო ორგანიზაცია „ეკონომიკური პოლიტიკის კვლევის ცენტრი“, საქართველოში აშშ საელჩოს მცირე გრანტების პროგრამის ფინანსური მხარდაჭერით.

[ნინო ნარიმანიშვილი, ახალციხე]