ნანა დემეტრაშვილის საიუბილეო დღეების პირველი დღე დასრულდა

რეჟისორის დაბადებიდან 75 წლისადმი მიღძვნილი საღამო, მესხეთის თეატრში 17:00 საათზე დაიწყო. საღამო ზაზა თამარაშვილის ფოლკლორული ანსამბლის „მესხეთის“ სიმღერით გაიხსნა. საღამოს ნანა დემეტრაშვილის ქალიშვილი ანა ნიკოლაშვილი უძღვებოდა.

სცენაზე ერთმანეთს სახალხო არტისტის მეგობრები და კოლეგები ცვლიდნენ, რომლებიც მისი ცხოვრებიდან სხვადასხვა ეპიზოდებს იხსენებდნენ.

„პირველი მისი რეჟისორული ნაწყვეტი და პირველი საკურსო სპექტაკლი რომ დაიდგა, ორივეში ვმონაწილობდი. თანამონაწილე ვარ მისი, როგორც რეჟისორის პირველი ნაბიჯების. ნანა ძალიან ნიჭიერი და ყველასგან გამორჩეული ადამიანი იყო“, - ისხენებს მისი თანაკურსელი, მსახიობი, თეატრალური უნივერსიტეტის პედაგოგი შოთა სხირტლაძე.

შეგახსენებთ, რომ ნანა დემეტრაშვილის საიუბილეო დღეები დღეს, 26 აპრილს დაიწყო და ხვალ დასრულდება.

ღონისძიება საქართველოს კულტურისა და ძეგლთა დაცვის სამინისტროსა და ახალციხის მუნიციპალიტეტის მხარდაჭერით ხორციელდება. კულტურის სამინისტრომ აღნიშნული ღონისძიებისთვის და წიგნის დასაბეჭდად 15,957 ლარი გამოყო.



[თინათინ ზაზაძე, ახალციხე]