ახალციხეში საგადასახადო კანონმდებლობას განიხილავენ

შეხვედრა ახალციხეში, „დემოკრატიული ჩართულობის ცენტრში“ მიმდინარეობს.

„ჩვენი მიზანია, რომ მცირე და საშუალო ბიზნესის წარმომადგენლებს საგადასახადო კანონმდებლობის კუთხით ცოდნა ავუმაღლოთ. მათგან გავიგოთ რა შენიშვნები აქვთ ამ კუთხით. მიღებულ ინფორმაციას მოგვიანებით ჩვენს რეკომენდაციაში ავსახავთ“, - ამბობს „კონსტიტუციის 42-ე მუხლის“ იურისტი და ადმინისტრაციული მენეჯერი ნათია ჩაჩანიძე.

მისივე განმარტებით, ორგანიზაციას უკვე წარდგენილი აქვს რეკომენდაციები და ამათგან 10 რეკომენდაცია გაზიარებულია საქართველოს პარლამენტის მიერ.

ნათია ჩაჩანიძე განმარტავს, რომ მსგავსი შეხვედრები უკვე გაიმართა შიდა ქართლის, ქვემო ქართლის, კახეთის, აჭარისა და სამეგრელოს 13 მუნიციპალიტეტში.



[მანანა სარაშვილი, ახალციხე]