სამცხე–ჯავახეთის რომელ მუნიციპალიტეტში დაფიქსირდა კოვიდის ახალი შემთხვევები

სამცხე–ჯავახეთის მხარის ადმინისტრაციაში აცხადებენ, რომ რეგიონში 22 ახალ შემთხვევასთან კონტაქტში მყოფი სულ დაახლოებით 23 პირია გამოვლენილი.

სამცხე-ჯავახეთის სახელმწიფო რწმუნებულის აპარატის უფროსის, გიორგი მიქელაძის განმარტებით, რეგიონის მასშტაბით, კვლავ 12 საჯარო სკოლა რჩება დისტანციური სწავლების რეჟიმზე და ასევე არ შეცვლილა იმ საბავშო ბაღების რაოდენობაც, სადაც სწავლება დროებით შეჩერებულია. ასეთი ბაღი რეგიონში ხუთია.

სამცხე-ჯავახეთში ბოლო 24 საათში, კიდევ ორი გამოჯანმრთელებული პაციენტია. მათი რაოდენობა 55–მდე გაიზრდა.

რეგიონის მასშტაბით, სახლის პირობებში 38–მდე კოვიდინფიცირებული მკურნალობს.

გარდა ამისა, აღებულია 30 ნიმუში, რომელთა პასუხებიც უცნობია. როგორც მიქელაძე ამბობს, დღის ბოლოს ეს ციფრი შესაძლოა შეიცვალოს.
უცნობია, ინფიცირებულებს შორის რამდენია მასწავლებელი, სამედიცინო დაწესებულების თანამშრომელი და არასრულწლოვანი.

ამ ეტაპზე რეგიონში:

კოვიდინფიცირებულია - 281 პირი;

გამოჯანმრთელდა - 55;

თვითიზოლაციაშია - 1 061 პირი, აქედან:

ახალციხე - 534;

ახალქალაქი - 160;

ადიგენი - 142;

ასპინძა - 80;

ნინოწმინდა - 79;

ბორჯომი - 66;

საკარანტინო სივრცეებში - 286 პირია, მათგან:

ახალციხის „ცხელების სასტუმროში“ - 11,

ბაკურიანში -275.

[ნუკა სტეფნაძე]