როგორ ნაწილდება სამცხე–ჯავახეთში გამოვლენილი 27 ახალი შემთხვევა

სამცხე–ჯავახეთის მხარის ადმინისტრაციაში აცხადებენ, რომ რეგიონში 27 ახალი შემთხვევასთან დაკავშირებით გამოვლენილია 127 კონტაქტში მყოფი პირი, ამ ეტაპზე კვლავ მინდინარეობს კონტაქტების მოკვლევა.

სამცხე–ჯავახეთის მუნიციპალიტეტების მიხედვით, ახალი შემთხვევები ასე ნაწილდება:

14 ინფიცირებული ახალციხის მუნიციპალიტეტშია, ახალქალაქში – 8 , ბორჯომში – 2, ასპინძაში – 1 და ადიგენში – 2;

რაც შეეხება გამოჯანმრთელებულებს ბოლო 24 საათის განმავლობაში მათი მაჩვენებლი არ შეცვლილა.

მხარის ადმინისტრაციის განცხადებით კვლევაში რჩება ოთხი ნიმუში.

ამ ეტაპზე რეგიონში:

კოვიდინფიცირებულია - 248 პირი;

გამოჯანმრთელდა - 51;

რეგიონის მასშტაბით მოიმატა თვითიზოლაციაში მყოფი პირების რაოდენობამ.

თვითიზოლაციაშია - 985 პირი, აქედან:

ახალციხე - 535;
ახალქალაქი - 126;
ადიგენი - 103;
ასპინძა - 86;
ნინოწმინდა - 79;
ბორჯომი - 56;

საკარანტინო სივრცეებში - 336 პირია, მათგან:

ახალციხეში - 7;
ბაკურიანში - 329.

ბოლო 24 საათში სამცხე–ჯავახეთში სამი პაციენტი გარდაიცვალა, ხოლო სულ რეგიონში covid-19-ით გარდაცვალების ხუთი შემთხვევა ფიქსირდება. მათ შორის ერთი სასწრაფო სამედიცინო დახმარების ექიმია, რომელიც დღეს 25 ოქტომბერს კლინიკა „ჯერარსში“ გარდაიცვალა.

[ნუკა სტეფნაძე]