ახალციხეში ხანძრის შედეგად გარდაცვლილი 42 წლის კაცი პროზექტურაში გადაასვენეს [ვიდეო]

საგანგებო სიტუაციების მართვის სამსახურის ინფორმაციით, მეხუთე სართულზე, ერთ–ერთ ბინაში გაჩენილი ხანძარი მალევე ჩააქრეს. გარდაცვლილი 42 წლის კაცი კი პროზექტურაში გადაასვენეს.

იგი სახლში მარტო ცხოვრობდა. სასწრაფო სამედიცინო დახმარების ექიმის განცხადებით, ხანძრის გამომწვევი სავარაუდო მიზეზი დენის გამათბობელი ან სიგარეტია.

„ჩვენი ჯგუფი ოთხ წუთში ადგილზე იმყოფებოდა, მისვლის დროს ცეცხლი ეკიდა საწოლს და ირგვლივ იატაკს, გარდაიცვალა ერთი პირი“, – განაცხადეს საგანგებო სიტუაციების სამსახურში.

შინაგან საქმეთა სამინისტრომ მომხდარზე გამოძიება სსიკ 187–ე მუხლის მე–3 ნაწილით დაიწყო, რაც ნივთის დაზიანება ან განადგურებას გულისხმობს, რამაც გაუფრთხილებლობით ადამიანის სიცოცხლის მოსპობა გამოიწვია.

ხანძარი დიდიმამიშვილის N1–ში დღეს, 23 ოქტომბერს 10:30 საათისთვის გაჩნდა.



[ნუკა სტეფნაძე]