ახალციხის პირველ სკოლაში COVID-19 მასწავლებელს დაუდასტურდა

„წუხელ დაუდასტურდა ვირუსი. გასული ხუთშაბათის შემდეგ სკოლაში არ მოსულა ცუდად გრძნობდა თავს, სიცხეები აქვს და ყელი აწუხებს როგორც ვიცი“ - გვითხრა სკოლის დირექტორმა, ჟუჟუნა გოგოლაურმა.

მისი თქმით, ამ ეტაპზე უცნობია გადავა თუ არა სკოლა დისტანციური სწავლების რეჟიმზე: „საზოგადოებრივი ჯანდაცვიდან ჯერ რეკომენდაციები არ მიგვიღია“.

პირველ სკოლაში კორონავირუსი მეთორმეტე კლასის მოსწავლესაც დაუდასტურდა.

ინფექცია გამოვლინდა ახალციხის მეხუთე საჯარო სკოლაშიც.

22 ოქტომბრის მონაცემებით, მასწავლებლებსა და მოსწავლეებში კორონავირუსის დაფიქსირების გამო, დისტანციურად სწავლობენ ნინოწმინდის, ადიგენის, ახალქალაქის და ახალციხის 10 საჯარო სკოლაში. რეგიონის მასშტაბით ბაღი დაიხურა ოთხ მუნიციპალიტეტში.

[მარიამ ბარძიმაძე]