რეგიონში გამოვლენილი 24 ახალი შემთხვევიდან 13 ახალციხეში დაფიქსირდა

სამცხე–ჯავახეთის მუნიციპალიტეტების მიხედვით, ახალი შემთხვევები ასე ნაწილდება:

13 ინფიცირებული ახალციხის მუნიციპალიტეტშია, ახალქალაქში – 4 , ნინოწმინდაში – 3, ასპინძაში – 2 და ადიგენში – 1;

„24 ახალი შემთხვევა რეგიონის მასშტაბით ბოლო 24 საათში გამოვლინდა. აქედან 23 ჩვენს მუნციპალიტეტს ეკუთვნის, ერთი კი ჩვენს საკარანტინო ზონაში დაფიქსირდა, ინფიცირებული აჭარის რეგიონში მცხოვრები პირია. დღევანდელი მონაცემებით, რეგიონში ინფიცირებულთა რაოდენობა 173–მდე გაიზარდა“, – განმარტა სამცხე-ჯავახეთის სახელმწიფო რწმუნებულის აპარატის უფროსმა, გიორგი მიქელაძემ.

ახალი შემთხვევები მუნიციპალიტეტების რომელ სოფლებში დაფიქსირდა და რამდენი არასრულწლოვანია მათ შორის, უცნობია. გიორგი მიქელაძემ აღნიშნულ თემაზე ჟურნალისტების კითხვებს არ უპასუხა.

ასევე უცნობია, ინფიცირებულებს შორის რამდენია მასწავლებელი და სამედიცინო დაწესებულების თანამშრომელია.

„ინფიცირებულთა რიგებში გვყავს სხვადსხვა ასაკის პირები და შესაბამისად არასრულწლოვნებიც, ასევე სხვადასხვა პროფესიის ადამიანები. დეტალებს ვერ დავაკონკრეტებ“, – განაცხადა მიქელაძემ.

ბოლო 24 საათში რეგიონის მასშტაბით 12 პირი გამოჯანმრთელდა და მათი რაოდენობა 51–მდე გაიზრდა.

სახლის პირობებში ამ ეტაპზე კოვიდინფიცირებული 25–მდე მოქალაქე მკურნალობს, ინფიცირებული პაციენტების მდგომარეობა სტაბილურია: „როგორც ჩვენთვის ცნობილია არ გვყავს მძიმე და კრიტიკული პაციენტები“ – ამბობს გიორგი მიქელაძე.

ამ ეტაპზე რეგიონში:

კოვიდინფიცირებულია - 173 პირი;

გამოჯანმრთელდა - 51;

სახლში მკურნალობს - დაახლოებით 25;

თვითიზოლაციაშია - 677 პირი, აქედან:

ახალციხე - 371;
ახალქალაქი - 105;
ადიგენი - 67;
ასპინძა - 58;
ნინოწმინდა - 39;
ბორჯომი - 34;

საკარანტინო სივრცეებში - 440 პირია, მათგან:

ახალციხეში - 65;
ბაკურიანში - 375.

[ნუკა სტეფნაძე]