'ვცდილობთ საავადმყოფოები გამოვიყენოთ მძიმე, ქრონიკული დაავადებების მქონე პაციენტებისთვის' - მთავრობა

"კოვიდინფიცირებულების მკურნალობა კლინიკური მართვის ახალი მოდელის მიხედვით, გრძელდება ბინაზე და კოვიდსასტუმროებში. როგორც ბინაზე, ასევე კოვიდსასტუმროებში ამ ადამიანებს ზედამხედველობენ ექიმები, ანუ ბინასა და სასტუმროში მკურნალობა არ ნიშნავს იმას, რომ ეს ადამიანები ექიმის მეთვალყურეობის გარეშე არიან დატოვებულები.

მაქსიმალურად ვცდილობთ საავადმყოფოები გამოვიყენოთ მძიმე, ქრონიკული დაავადებების მქონე პაციენტებისთვის და იმ ადამიანებისთვის, ვინც ასაკშია, ვისაც ყველაზე მეტად სჭირდება საავადმყოფოში მკურნალობა. ინფიცირებულთა მაჩვენებლის ზრდა არის და ეს ზრდა გაგრძელდება ჩვენთანაც, ისევე როგორც ზრდა გრძელდება მთელ მსოფლიოში. ჩვენ ვაგრძელებთ მართვის პროცესს, კლინიკური მართვის ახალი მოდელის მიხედვით", - განაცხადა ნათია მეზვრიშვილმა.


21 ოქტომბრის მონაცემებით, კორონავირუსის დადასტურებულ შემთხვევათა რაოდენობა 21 208–მდე გაიზარდა, მათ შორის გამოჯანმრთელდა 9 003 პაციენტი, გარდაიცვალა 172 ადამიანი.

[sknews.ge]