სამცხე–ჯავახეთში მედპერსონალის ინფიცირების 22 ახალი შემთხვევა გამოვლინდა

22 ახალი შემთხვევა სასწრაფო სამედიცინო დახმარების ცენტრის თანამშრომლებს უკავშირდება, თუმცა რეგიონის რომელ მუნიციპალიტეტში დაუფიქსირდათ ექიმებს covid-19 ამ ეტაპზე უცნობია.

რაც შეეხება ცხრა ახალ შემთხვევას, ექვსი ახალციხის მუნიციპალიტეტში გამოვლინდა, ორი ასპინძაში, ერთი საკარანტინო სივრცეში დაფიქსირდა.

სამცხე–ჯავახეთის მხარის ადმინისტრაციის ინფორმაციით, ამ ცხრა ინფიცირებულთა შორის არიან სამედიცინო დაწესებულების თანამშრომლებიც, თუმცა რამდენი, გიორგი მიქელაძე არ აკონკრეტებს: "ვინაიდან აღნიშნული უწყება ექვემდებარება ჯანდაცვის სამინისტროს, დეტალებზე მიმართეთ მათ".

რეგიონის მასშტაბით, სასწრაფო სამედიცინო დახმარების ცენტრში რამდენი ექიმი და ექთანია დაინფიცირებული ამ ეტაპზე უცნობია, "სამხრეთის კარიბჭე" ინფორმაციას უწყებიდან ელოდება. საზოგადოებასთან ურთიერთობის სამსახურში აცხადებენ, რომ ახალციხის სასწრაფო–სამედიცინო დახმარების ცენტრი შეუფერხებლად მუშაობს, რაც შეეხება ახალქალაქს, აქ ინფიცირების შემთხვევების მატების გამო ნინოწმინდის ექიმები ეხმარებიან.

20 ოქტობრის 13:00 საათის მონაცემებით, სამცხე–ჯავახეთში კორონავირუსის 131 შემთხვევაა გამოვლენილი, აქედან გამოჯანმრთელდა 39 პაციენტი, ერთი კი გარდაიცვალა.

[ნუკა სტეფნაძე]