'ევროპულმა საქართველომ' ახალციხეში კანდიდატი ოფიციალურად წარადგინა

„ევროპული საქართველოს“ კანდიდატი, ზურაბ ჩილინგარაშვილი ახალციხეში შეკრებილ ადგილობრივებს პარტიის ლიდერმა, დავით ბაქრაძემ წარუდგინა.

„კაცი, რომელმაც იცის რას ნიშნავს შრომაც, თანამდებობაც. კარგად მახსოვს, როცა სათითაოდ ნადირობდა „ოცნება“ ყველა ჩვენაგანზე, რომ კომპრომატები მოეძებნათ, საქმეები აღეძრათ და იქით მხარეს გადავეყვანეთ, მაშინ „ოცნების“ ფრაქციაში. მე მახსოვს მაშინ რამდენი იწვალეს მაშინდელ პარლამენტში, რომ საქმეები აღძრეს, ქექეს, პროკურატურა ჩართეს, ვერაფერი ვერ უპოვეს ამ კაცს“,- თქვა ბაქრაძემ ჩილინგარაშვილზე.

ამის შემდეგ ადგილობრივებს სიტყვით ჩილინგარაშვილმაც მიმართა და უთხრა, რომ გამარჯვების შემთხვევაში მათ აქვთ პირველი 100 დღიანი გეგმაა, თუ რას გააკეთებენ კონკრეტულად.

„ბოლო 2 კვირა დარჩა არჩევნებამდე, თითოეული თქვენგანი განიცდის ბევრ ზეწოლას იქნება დაშინებები, იქნება მოსყიდვები, მაგრამ დაიმახსოვრეთ, თუ ამ ოთხი წლის განვლობაში დარჩა „ოცნება“ სათავეში, ისევ ისე ვიქნებით. აქედან გამომდინარე ყველას წელიწადში ერთხელ საშუალება გვაქვს ავირჩიოთ ჩვენი მთავრობა. დღეს ჩვენ მთავრობას არ აქვს არაფერი გეგმა 31 ოქტომბრის მერე როგორ უნდა მოიქცეს, ამიტომ ჩვენ გთავაზობთ გეგმას პირველ რიგში, პირველ 100 დღეში რისი გაკეთება შეიძლება და ჩვენი გეგმა კორონასთან ბრძოლაში“,- თქვა ჩილინგარაშვილმა.

მისივე თქმით, გამარჯვების შემთხვევაში გუბერნიასა და მერიებში „გაბერილ შტატებსა და ზედმეტ სამსახურებს შეამცირებს“.

„ვპირდები ცვლილებებს, რომ აი ეს გაბერილი შტატები, რომლებიც დღეს გუბერნიაშია, გამგეობებში აიპების და სიპების სახით არის, შემცირდება და ბევრი გაუქმდება“.

გამოსვლისას დავით ბაქრაძემ რამდენიმე საკითხზე გაამახვილა ყურადღება, როგორიცაა: უმუშევრობა, დოლარის კურსის და კორონავირუსის შემთხვევების მატება.



[მარიამ ბარძიმაძე]