ახალციხეში მაღაზიიდან მობილური მოიპარეს

როგორც 17 წლის გოგო ამბობს, ტელეფონი პირველ ოქტომბერს, მაღაზიაში ყოფნის დროს, ჯიბიდან ამოუვარდა და ამ დროს მოპარეს.

„ბევრი ხალხი ირეოდა, სკამზე ვიჯექი, სავარაუდოდ ჯიბიდან გადმომივარდა. 17:30–დან 18:00 საათამდე პერიოდში მოხდა, ამ დროს შემოვიდა ერთი პიროვნება, აიღო ჩემი მობილური და წავიდა, მალევე დავრეკე 112–ზე და ქურდობის შესახებ შევატყობინე“, - ამბობს მაღაზიის კონსულტანტი.

მისი თქმით პირს, რომელმაც მობილური ტელეფონი მოპარა, პოლიციამ სამი დღის წინ, წალკაში მიაგნო.

შინაგან საქმეთა სამინისტროში აცხადებენ, რომ გამოძიება სსკ–ის 177–ე მუხლით მიმდინარეობს, რაც ქურდობას გულისხმობს.

[მარიამ ბარძიმაძე]