გრიპის ვაქცინის დეფიციტი ქვეყანაში არ იქნება - გახარია

„დღეს სამწუხაროდ გრიპის ვაქცინის გლობალური დეფიციტი შეიქმნა. გასაგები მიზეზების გამო, მოთხოვნა საკმაოდ მაღალია, თუმცა აქვე მინდა გითხრათ, რომ საქართველოს მთავრობას შესაბამისი უწყებების საშუალებით შარშანდელ მოცულობაზე ბევრად მეტი რაოდენობა აქვს შესყიდული. ამ შესყიდული რაოდენობის მოწოდება საქართველოსთვის ეტაპობრივად დაიწყება. მე დარწმუნებული ვარ, რომ გრიპის ვაქცინის დეფიციტი ქვეყანაში არ იქნება“, - განაცხადა გიორგი გახარიამ საკოორდიანციო საბჭოს სხდომის დასრულების შემდეგ.

რაც შეეხება კერძო კლინიკებში არსებულ დეფიციტს, გახარიამ ჟურნალისტებს ასეთი პასუხი გასცა: „გრიპის სეზონი იწყება ნოემბრის მეორე ნახევრიდან, შესაბამისად საკმაო დრო გვაქვს იმისთვის რომ კერძო სექტორსაც მივეხმაროთ და სახელმწიფოს ვალდებულებები სრულად შევასრულოთ“.

[მარიამ ბარძიმაძე]