‘უგულო ხელისუფლების პირობებში სიმართლეს ვერ გავიტან’ – კუბლაშვილმა შიმშილობა შეწყვიტა

როგორც კუბლაშვილი სოციალურ ქსელში წერს, მან შიმშილობა დროებით შეწყვიტა.

„იმის გამო, რომ ამ უგულო ხელისუფლების პირობებში სიმართლეს ვერ გავიტან (სასამართლოს გადაწყვეტილებასაც ეჭვ ქვეშ აყენებენ) და თან აქტიურ საარჩევნო კამპანიას ვაგრძელებ, დროებით ვწყვეტ შიმშილობის აქციას...

მადლობა ყველას ვინც გამომეხმაურა და გვერდით დამიდგა“,– წერს კუბლაშვილი საკუთარ ფეისბუკ გვერდზე.

შიმშილობის დაწყებისას, გოდერძი კუბლაშვილი აცხადებდა რომ პროტესტს იქამდე გააგრძელებდა, ვიდრე ადიგენის მერიის მიწის აღიარების კომიისიის ექვსივე წევრი თანამდებობას არ დატოვებდა. დღეს დილიდან კი მის მოთხოვნებს ადიგენის მერიის ტენდერების შესწავლის საკითხიც დაემატა.

„ეს კომისია უნდა დაიშალოს და მისი წევრები, რომლებიც ფაქტობრივად მარიონეტები არიან, უნდა გათავისუფლდნენ თანამდებობებიდან. ორ დღეში თუ არ დაკმაყოფილდება ეს მოთხოვნა, ამას დაემატება გუბერნატორის გადადგომა“ – აცხადებდა კუბლაშვილი აქციის დაწყების დღეს, 5 ოქტომბერს.

ახალციხე–ადიგენი–ბორჯომი–ასპინძის ოლქში, პარტია „თავისუფალი საქართველოს“ მაჟორიტარი დეპუტატობის კანდიდატმა, სამცხე–ჯავახეთის მხარის ადმინისტრაციის შენობასთან შიმშილობა გუშინ, 5 ოქტომბერს დაიწყო. იგი ადიგენის მერიის მიწის აღიარების კომისის წევრების გათავისუფლებას ითხოვს, მან პროტესტის ამ ფორმას მას შემდეგ მიმართა, რაც ახალციხის რაიონულმა სასამართლომ მისი სარჩელი ადიგენის მერიის წინააღმდეგ ნაწილობრივ დააკმაყოფილა და მერიას დაავალა, კუბლაშვილისთვის მიწის ნაკვეთის საკუთრების აღიარების საკითხი ხელახლა განიხილონ.

ასევე გირჩევთ:

[რობი ზარიძე]