როგორი ამინდია მოსალოდნელი სამცხე- ჯავახეთში 12 ოქტომბრამდე

დღეს, 6 ოქტომბერს სამცხე–ჯავახეთის უმეტეს მუნიციპალიტეტში სინოპტიკოსები უნალექო და მზიან ამინდს ვარაუდობენ.

ახალციხეში, ადიგენში, ასპინძასა და ბორჯომში, დღის განმავლობაში ჰაერის ტემპერატურა +25, +27 გრადუსამდე გათბება, ხოლო ღამით +6, +8 გრადუსი დაფიქსირდება.

მზიანი ამინდია მოსალოდნელი მაღალ მთაში, ახალქალაქში, ბაკურიანსა და ნინოწმინდაში. დღის მაქსიმალური ტემპერატურა +17, +19 გრადუსი იქნება, ღამით კი ნავარაუდევია +2, +4.

7 და 8 ოქტომბერს მთაში ღამის საათებში ჰაერის ტემპერატურა 2 გრადუსით დაიკლებს, დღის განმავლობაში კვლავ უნალექო ამინდი შენარჩუნდება.

ახალციხეში, ასპინძაში, ბორჯომსა და ადიგენში დღისით ჰაერის ტემპერატურა +24 +26 გრადუსამდე დაიკლებს, ხოლო ღამით +5, +7 გრადუსამდე შემცირდება.

ახალქალაქში, ნინოწმინდასა და ბაკურიანში დღისით +16, +18 გრადუსამდე შემცირდება, ღამით კი +2, +4 გრადუსი შენარჩუნდება.

რეგიონის მასშტაბით 9 ოქტომბრიდან კვლავ უნალექო და მზიანი ამინდია მოსალოდნელი. ყველა მუნიციპალიტეტში ტემპერტურა 2–4 გრადუსით მოიმატებს.

9 ოქტომბერს, ახალციხეში, ადიგენში, ასპინძასა და ბორჯომში ტემპერატურა +28, +30 გრადუსამდე მოიმატებს, ღამით კი +10, +12 გრადუსი დაფიქსირდება.

ახალქალაქში, ნინოწმინდასა და ბაკურიანში დღისით +24, +26, ღამით +3, +5 გრადუსი იქნება.

10 და 11 ოქტომბერს სამცხე–ჯავახეთის უმეტეს მუნიციპალიტეტში უნალექო და მზიანი ამინდი შენარჩუნდება.

[ნუკა სტეფნაძე]