კორონავირუსის 1 ახალი შემთხვევა დაბა ადიგენში გამოვლინდა

დღეს, 3 ოქტომბერს სამცხე-ჯავახეთში დაფიქსირებული ერთი ახალი შემთხვევა დაბა ადიგენში მცხოვრებია. როგორც სამცხე-ჯავახეთის სახელმწიფო რწმუნებულის აპარატის უფროსი, გიორგი მიქელაძე განმარტავს, დაბა ადიგენში მცხოვრებს პირდაპირი კონტაქტი ჰქონდა არლის ინფიცირებულთან.

მისივე თქმით, ამ ეტაპზე არლის ინფიცირებულთან კონტაქტში მყოფი ყველა პირის ტესტის პასუხი ცნობილი არ არის და პასუხებს დღის ბოლომდე კიდევ ელოდებიან.

„ნაწილის პასუხი ცნობილია, ნაწილს ველოდებით. დღეს, რეგიონის მასშტაბით გვაქვს 348 ტესტის პასუხი, აქედან მხოლოდ ეს ერთი აღმოჩნდა დადებითი. კიდევ ველოდებით დღის ბოლომდე 498 ტესტის პასუხს“, - განმარტავს მიქელაძე.

მისივე თქმით, თვითიზოლაციაში რჩება 265 ადამიანი.

კარანტინში მყოფთა რიცხვმა კი დაიკლო და ამ ეტაპზე, რეგიონიდან სულ 287 პირი იმყოფება საკარანტინო სივრცეებში. მათგან:

ახალციხეში - 92
ბაკურიანში - 195

[თაკო ფეიქრიშვილი]