6 მებაჟე-ოფიცერს კორონავირუსი დაუდასტურდა

უწყების ინფორმაციით, 25-30 სექტემბერს კორონავირუსზე ტესტირება ჩაუტარდა: გაფორმების ეკონომიკური ზონა „ბათუმის“, საბაჟო გამშვები პუნქტების: „ნინოწმინდის“, „კარწახის“, „წითელი ხიდისა“ და „თბილისის აეროპორტის“ - ჯამში 517 პირს.

„გამოკვლეულ პირთაგან კორონავირუსი თვითიზოლაციაში მყოფ 6 თანამშრომელს დაუდასტურდა. ამ ეტაპზე, მათი ჯანმრთელობის მდგომარეობა დამაკმაყოფილებელია“, - აცხადებენ უწყებაში.

მათივე ინფორმაციით, საბაჟო დეპარტამენტის ექიმი-ეპიდემიოლოგების მიერ მიზნობრივ ტესტირებას ანტიგენსა და ანტისხეულზე ექვემდებარებიან საერთაშორისო სატვირთო გადაზიდვების განმახორციელებელი ავტოსატრანსპორტო საშუალებების მძღოლები (როგორც საქართველოს მოქალაქეობის მქონე, ასევე, უცხო ქვეყნის მოქალაქე პირები).

25 სექტემბრიდან დღემდე, როგორც სახმელეთო, ისე საზღვაო საბაჟო გამშვებ პუნქტებზე ტესტირება 4 293 სატვირთო ავტომობილის მძღოლს ჩაუტარდა.

[sknews.ge]