სამცხე–ჯავახეთის მხარის ადმინისტრაცია რეგიონში კორონავირუსის 3 ახალ შემთხვევას არ ადასტურებს

ახალი შემთხვევების შესახებ, მარინა ენდელაძემ, დღეს დილით ჟურნალისტებთან განაცხადა.

„სამხრეთის კარიბჭე“ იმის გასარკვევად, რეგიონის რომელ მუნიციპალიტეტში გამოვლინდა ახალი შემთხვევები, სამცხე–ჯავახეთის მხარის ადმინისტრაციას დაუკავშირდა. სახელმწიფო რწმუნებულის აპარატის ხელმძღვანელმა, გიორგი მიქელაძემ განაცხადა, რომ 29 სექტემბერს რეგიონში COVID-19-ის ახალი შემთხვევები არ დაფიქსირებულა.

„არ ვიცი სხვამ რა თქვა, ადგილობრივი საზოგადოებრივი ჯანდაცვის სამსახურების და რეგიონული დაავადებათა კონტროლის ცენტრის მიერ მოწოდებული ინფორმაციით, დღეს ახალი შემთხვევები არ გვაქვს“, – განაცხადა გიორგი მიქელაძემ.

რედაქცია ინფორმაციის გადასამოწმებლად, დაავადებათა კონტროლის ეროვნული ცენტრის საზოგადოებასთან ურთიერთობის სამსახურს დაუკავშირდა, ნინო მამუკაშვილმა ჯანდაცვის სამინისტროში გადაგვამისამართა: „მარინა ენდელაძის განცხადებასთან დაკავშირებით ჯანდაცვის სამინისტროს უნდა დაუკავშირდეთ“.

ჯანდაცვის სამინისტროში კი განაცხადეს, რომ მონაცემები დაავადებათა კონტროლის ეროვნულმა ცენტრმა მიაწოდა და ინფორმაციაც მათთან უნდა გადავამოწმოთ.

სატელეფონო ზარებს არ პაუსხობს მარინა ენდელაძე, რედაქცია ცდილობს მონაცემების გადამოწმებას, განახლებულ ინფორმაციას მოგვიანებით შემოგთავაზებთ.

სამცხე–ჯავახეთის მხარის მიერ მოწოდებული მონაცემებით, კორონავირუსი რეგიონის სამ მუნიციპალიტეტშია გავრცელებული. ესენია: ადიგენი, ასპინძა და ნინოწმინდა, სულ 25 შემთხვევა.

ადიგენის მუნიციპალიტეტი:

ჭეჭლა – 11 შემთხვევა;
უდე – 2 შემთხვევა;
დიდი ზანავი – 5 შემთხვევა;
ღორთუბანი – 2 შემთხვევა;
ჭელა – 1 შემთხვევა;
კეხოვანი – 1 შემთხვევა;
გომარო – 1 შემთხვევა;

ასპინძის მუნიციპალიტეტი

რუსთავი – 1 შემთხვევა;

ნინოწმინდის მუნიციპალიტეტი

დიდი არაქალი – 1 შემთხვევა;

[sknews.ge]