სამცხე–ჯავახეთში კორონავირუსი კიდევ 3 პირს დაუდასტურდა

თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, დღეს გამოვლენილი ახალი შემთხვევებიდან, ყველაზე მეტი კვლავ აჭარაშია.

„კვლავ ლიდერობს აჭარა, აქ 225 ახალი შემთხვევაა. იმერეთში - 22, თბილისში – 35, სამეგრელო–ზემო–სავანეთში – 18, სამცხე–ჯავახეთში – 3, შიდა ქართლში – 9, გურიასა და ქვემო ქართლში არის თითო თითო“, – განაცხადა მარინა ენდელაძემ.

ამ დროისთვის უცნობია სამცხე–ჯავახეთში გამოვლენილი სამი ახალი შემთხვევა რომელ მუნიციპალიტეტში დაფიქსირდა. „სამხრეთის კარბიჭე“ სამხარეო ადმინისტრაციიდან პასუხს ელოდება.

[ნუკა სტეფნაძე]