ნინოწმინდაში კორონავირუსზე 29 პირი შეამოწმეს

ფოტო: ნინოწმინდის საზოგადოებრივი ჯანდაცვის ცენტრი

ნინოწმინდაში, სოფელ არაქალში კორონავირუსის პირველი შემთხვევა დღეს გამოვლინდა, მას აჭარაში მოგზაურობის ისტორია აქვს. ინიფიცრებულთან კონტაქტში მყოფ პირებს ტესტირება დღესვე ჩაუტარდათ, საზოგადოებრივი ჯანდაცვის ცენტრის ინფორმაციით, მათი კარანტინში გადაყვანის საჭიროება ამ ეტაპზე არ არის.

„29 პირს გავუკეთეთ ანალიზი, ხვალ დილით გავაგზავნი ლუგარში. ხვალ თუ არა ზეგ გვექნება პასუხები“,- განმარტა საზოგადოებრივი ჯანდაცვის ცენტრის ხელმძღვანელმა, ტიგრან ეგოიანმა.

28 სექტემბრის მონაცემებით, რეგიონში მთლიანობაში 23 შემთხვევა ფიქსირდება. მათგან ერთი ასპინძაში, ერთი ნინოწმინდაში, 21 კი ადიგენში.

[რიმა სარუხანიან]