‘გამოკითხულთა 33% მხარს უჭერს ‘ოცნებას’, 15% - ენმ-ს’ - IRI

საერთაშორისო რესპუბლიკური ინსტიტუტის მიერ ჩატარებული კვლევის შედეგების მიხედვით, გამოკითხულთა ყველაზე მეტი, 33% მხარს უჭერს „ქართულ ოცნებას“, 16%- „ნაციონალურ მოძრაობას“, 5% - „ევროპულ საქართველოს“, 3% -“სტრატეგია აღმაშენებელის”, 3% - „პატრიოტთა ალიანსს“ 2% – „ლეიბორისტულ პარტიას“, 2% - სამოქალაქო მოძრაობას (მოქალაქეები), 2% - „ლელოს“, 2% - გირჩს.

კვლევა ჩატარდა საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ, 2020 წლის 4 – 21 აგვისტოს პერიოდში. საველე სამუშაოები ჩატარდა „აიფიემის“ მიერ.

მონაცემები შეგროვდა მრავალსაფეხურიანი შემთხვევითი შერჩევის მეთოდის გამოყენებით, პირისპირ ინტერვიუს გზით.

შერჩევა მოიცავდა საარჩევნო ხმის უფლებისა და ასაკის მქონე 1 500 რესპონდენტს. მონაცემები შეწონილ იქნა ასაკის, გენდერის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 პროცენტს.

გამოპასუხების მაჩვენებელი – 75 პროცენტი. კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს მეშვეობით.

[sknews.ge]