‘პატრიოტების’ პარტიულ სიაში ბორჯომელი და ახალქალაქელი წევრები შევიდნენ

„პატრიოტთა ალიანსის“ წევრი ახალქალაქიდან, სამველ პეტროსიანი სიითი შემადგენლობის მე-14 წევრად დაასახელეს.

იგი ამ პარტიას 2017 წლიდან შეუერთდა.

მანამდე კი:
1995-2004 მუშაობდა შინაგან საქმეთა სამინისტროში;
2006-2012 წლებში იყო ახალქალაქის პოლიციის უფროსი.
2012-2016 წლებში იყო პარლამენტის წევრი „ერთიანი ნაციონალური მოძრაობიდან“, თუმცა ეს პარტია მან ჯერ კიდევ პარლამენტში ყოფნისას, 2015 წლის სექტემბერში დატოვა და საპარლამენტო უმცირესობის წევრად დარჩა.

საპარლამენტო არჩევნებში მონაწილეობა პეტროსიანს 2016 წლის საპარლამენტო არჩევნებშიც სურდა, მას კანდიდატად განიხილავდა „ერთიანი ნაციონალური მოძრაობა“, თუმცა, პარტიის სახელით კენჭი არ იყარა. პეტროსიანი შეთავაზებას „ქართული ოცნებიდან“ ელოდა და კანდიდატად ენზელ მკოიანის დასახელებას მისი უკმაყოფილება მოჰყვა.

2017 წლის ადგილობრივი თვითმმართველობის არჩევნებში იგი ახალქალაქის მერობის კანდიდატად "პატრიოტთა ალიანსმა" წარადგინა.

საბოლოოდ, 2017 წლის არჩევნების შედეგად იგი“პატრიოტთა ალიანსიდან“ ახალქალაქის საკრებულოში შევიდა.

რაც შეეხება ტატიანა მარტინენკოს, იგი ბორჯომის საკრებულოს წევრია „პატრიოტთა ალიანსიდან". 2017 წლის ადგილობრივ არჩევნებზე იგი ბორჯომის ოლქში პარტიული სიის რიგით მეორე ნოემრი იყო.

საკრებულოში იგი იურიდიულ საკითხთა კომისიას ხელმძღვანელობს.

პატრიოტთა ალიანსის სიის პირველი 25-ეული ასეთია:

1. ირმა ინაშვილი
2. გიორგი ლომია
3. გოჩა თევდორაძე
4. ავთანდილ ენუქიძე
5. ზაზა (გელა) მიქაძე
6. ნანა დევდარიანი
7. ფრიდონ ინჯია
8. დავით ზილფიმიანი
9. ცისანა სეფიაშვილი
10. მერაბ ჭიქაშვილი
11. გურამ ნიკოლაიშვილი
12. მარინა მოლოდინი
13. ვახტან ყოლბაია
14. სამველ პეტროსიანი
15. ეკა მირიანაშვილი
16. არჩილ ლეკიშვილი
17. ბესიკ ცქიფურიშვილი
18. ანი კიკნაძე
19. დავით გიორგობიანი
20. მარიამ ბათირიშვილი
21. მაია კუტუბიძე
22. გოდერძი ამაშუკელი
23. თომა ხაბეიშვილი
24. მახირ უსუბოვი
25. ტატიანა მარტინენკო

[თაკო ფეიქრიშვილი]