გახარია არჩევნებზე: თარიღის შეცვლა დღის წესრიგში არ დგას

საკოორდინაციო საბჭოს დასრულების შემდეგ მთავრობის ბრიფინგზე ჟურნალისტებმა პრემიერს ჰკითხეს, გართულებული ეპიდემიოლოგიური სიტუაცია მოახდენდა თუ არა გავლენას არჩევნებზე, რაზეც გახარიამ უპასუხა, რომ „რამის შეცვლა დღის წესრიგში არ დგას“.

„არჩევნების თარიღის შეცვლა ან რაიმე საკითხთან საარჩევნო პროცესში ცვლილებები დღის წესრიგში კატეგორიულად არ დგას“, - თქვა გახარიამ.

დღეს, 11 სექტემბერს საქართველოში კორონავირუსის ახალი 87 შემთხვევა დაფიქსირდა.

საპარლამენტო არჩევნები ქვეყანაში 31 ოქტომბერს გაიმართება.

[მარიამ ბარძიმაძე]