როგორი ამინდი იქნება შაბათსა და კვირას სამცხე–ჯავახეთში

შაბათს, 5 სექტემბერს სამცხე–ჯავახეთის ყველა მუნიციპალიტეტში უნალექო და მზიანი ამინდია მოსალოდნელი ჰაერის ტემპერატურა 35 გრადუსამდე აიწევს.

ახალციხეში, ბორჯომში, ასაპინძასა და ადიგენში ტემპერატურა დღისით +33, +35 გრადუსამდე მოიმატებს, ხოლო ღამით +12, +14 გრადუსი იქნება.

ასევე, მზიანი და უნალექო ამინდია ნავარაუდევი მაღალ მთაში. ახალქალაქში, ნინოწმინდასა და ბაკურიანში დღისით +25, +27 გრადუსი დაფიქსირდება, ღამით კი +9, +11.

კვირას, 6 სექტემბერს, გარკვეულ მუნიციპალიტეტებში ხანმოკლე წვიმა და ელჭექია ნავარაუდევი. ჰაერის ტემპერატურა 2–4 გრადუსით დაიკლებს.

ახალციხეში, ბორჯომში, ადიგენსა და ასპინძაში ჰაერის ტემპერატურა +30, +32 გრადუსამდე მოიმატებს, ღამით კი +10, +12 გრადუსი იქნება.

წვიმა და ელჭექია ნავარაუდევი მაღალ მთაშიც, ახალქალაქში, ბაკურიანსა და ნინოწმინდაში დღისით +22, +24 გრადუსი, ღამით კი, +9, +11 გრადუსი შენარჩუნდება.

7 სექტემბრიდან სამცხე–ჯავახეთში არამდგრადი ამინდია მოსალოდნელი.

[ნუკა სტეფნაძე]